Toshkent viloyatida go‘shtlar ichiga xufiyona yashirilgan 350 dona gilza aniqlandi. Bu haqda viloyat Bojxona boshqarmasi axborot xizmati xabar berdi.
Ma’lum qilinishicha, “Yallama-terminal” bojxona punktiga kirib kelgan fuqaro boshqaruvidagi “Gazel” rusumli avtotransport vositasidagi kuryerlik jo‘natmalar bojxona nazoratidan o‘tkazildi.
Bojxona ko‘rigi natijasida avtotransport vositasiga yuklangan tovarlar orasida go‘sht mahsulotlar ichiga xufiyona yashirilgan jami 14 qutida 350 dona ov quroli uchun gilzalar borligi aniqlandi.
Hozirda ushbu holat yuzasidan tergovga qadar tekshiruv harakatlari olib borilmoqda.
Izoh (0)