O‘zbekistonda bir qancha mansabdorlarning tadbirkorlik faoliyati tugatildi, deb xabar bermoqda Korrupsiyaga qarshi kurashish agentligi.
Ma’lum qilinishicha, OAV va ijtimoiy tarmoqlarda davlat boshqaruvi va hokimiyati organlarining ayrim mansabdor shaxslari tadbirkorlik faoliyati bilan shug‘ullanib kelayotganiga oid e’lon qilingan xabarlar va boshqa ochiq ma’lumotlar asosida o‘tkazilgan o‘rganishlar davomida bir qator mansabdor shaxslar tadbirkorlik subyektlarida ta’sischi yoki ulushga ega ekani aniqlangan.
Mazkur manfaatlar to‘qnashuvi holatlarini bartaraf etish yuzasidan agentlik tomonidan ko‘rilgan choralar natijasida
- “Qimmatli qog‘ozlar markaziy depozitariysi” DUK bosh direktori Sh.A.,
- Mirobod tuman hokimi A.S.,
- “Milliy antidoping agentligi” rahbari A.S.,
- “Axborotlashtirish bosh markazi” UK rahbari D.S.,
- Bo‘ston tumani hokimi S.N.,
- “Milliy piar markazi” DUK direktori D.S.,
- Energetika vaziri o‘rinbosari U.M.,
- Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi direktori A.A.ning tadbirkorlik subyektlarida ta’sischilik va rahbarlik faoliyatlari tugatilishi ta’minlandi.
Izoh (0)