Toshkent viloyati IIBB YHXB Chirchiq shahrida yonib ketgan Lacetti avtomobili yuzasidan maʼlumot berdi.
Qayd etilishicha, 3-dekabr kuni soat 17:30 larda Chirchiq shahar Alisher Navoiy ko‘chasi (Oqqovoq chorrahasi yaqinida) haydovchi 1983-yilda tug‘ilgan Andijon viloyatida istiqomat qiluvchi R.SH. boshqaruvidagi Lacetti rusumli transport vositasi harakatlanib ketayotgan vaqtida dvigatel qismida chiqqan yong‘in (tashqi taʼsirlarsiz) oqibatida qisman yonib ketgan.
Yong‘in o‘t o‘chiruvchilar tomonidan o‘chirilib, hozirda favqulodda vaziyatlar bo‘limi tomonidan surishtiruv ishlari olib borilmoqda.
Avvalroq Andijon viloyati Shahrixon tumanida Cobalt mashinasi yonib ketgani, Andijonda yo‘l chetida turgan Nexia’da yong‘in chiqqani, Qamchiq dovonida lak-bo‘yoq ortilgan yuk mashinasi yonib ketishi oqibatida bir necha kishi jabrlangani to‘g‘risida xabar berilgandi. Shuningdek, Qashqadaryoda Damas bilan to‘qnashgan Captiva yonib ketgandi.
Izoh (0)