Қашқадарё вилоятида 28 декабрь куни светофорнинг қизил чироғида тўхтаб турган Nexia-2 автомобилида ёнғин чиқди. Бу ҳақда “Замон” информацион дастурида маълум қилинди.
Nexia ҳайдовчисининг сўзларига кўра, ёнғин кутилмаганда юз берган ва у шериги билан ўзини четга олган. Ижтимоий тармоқларда тарқалган видеодан кўриш мумкинки, ёнаётган машина ҳаракатланиб бориб, бошқа бир автомобилга урилган ва унга ҳам шикаст етказган.
Нексия ёниб кетди ва бориб, бошқа мошина урилиб, уни ҳам ёқиб юборди.
— Izzatbek Musayev (@vodiybozor) December 28, 2023
Шопир мошинаси ёнаётгани кўриб, сакраб тушиб қолган. pic.twitter.com/qaMhGY7h3S
“Машинам қияликда турганди, алангани кўриб қўл тормозни тортишни эсдан чиқардик. Бизнинг айбимиз бееътибор бўлиб, машинани ўз вақтида техник кўрикдан ўтказмаганимизда бўлди”, — дейди ҳайдовчи.
Ҳодиса жойига битта ёнғин-қутқарув экипажи етиб келган ва улар оловни ўчирган. Ҳодиса оқибатида ҳеч ким жароҳат олмаган. Ёнғин натижасида Nexia тўлиқ ёниб кетган.
Бундан олдин Тошкент вилояти Олмалиқ шаҳрида автобус билан тўқнашган Cobalt, Андижонда эса Matiz ёниб кетгани тўғрисида хабар берилганди.
Изоҳ (0)