Namanganlik ota 3 nafar farzandi uchun aliment summasini to‘liq to‘lab berdi. Bu haqda “Daryo” muxbiri Azizbek Abduvaliyev xabar bermoqda.
Fuqarolik ishlari bo‘yicha Chust tumanlararo sudining 2022-yildagi buyrug‘iga asosan fuqarodan sobiq turmush o‘rtog‘i foydasiga uch nafar voyaga yetmagan farzandining moddiy taʼminoti uchun aliment undirish belgilangandi.
Majburiy ijro byurosi Pop tuman bo‘limi xodimlari mazkur hujjatga asosan ijro harakatlarini olib borgan. Ota ham shu kunga qadar aliment pullarini o‘z vaqtida to‘lab kelgan.
U farzandlari voyaga yetgunga qadar bo‘lgan aliment pullarini oldindan biryo‘la to‘lab berish maqsadida davlat ijrochisiga murojaat qilgan va bu murojaat qondirilgan.
Yangi yil arafasida uch nafar farzand 18 yoshga to‘lguniga qadar hisoblangan 226 million 737 ming so‘m aliment pullari to‘liq to‘lab berildi. Otaning chetga chiqishi uchun qo‘yilgan vaqtincha cheklov ham bekor qilindi.
Izoh (0)