Navoiydagi jazoni ijro etish koloniyasida mahkum o‘z joniga qasd qilib vafot etdi.
Bosh prokuratura axborot xizmati rahbari Hayot Shamsutdinovning “Daryo”ga ma’lum qilishicha, voqea 25-dekabr kuni soat 14:40 lar atrofida yuz bergan. 11-son JIEK turma uchastkasida jazo muddatini o‘tayotgan mahkum saqlash kamerasida choyshabdan sirtmoq yasab, kamera derazasiga o‘rnatilgan temir panjaraga ushbu sirtmoqni bog‘lab, bo‘yin qismidan o‘zini osgan.
Unga birinchi tibbiy yordam ko‘rsatilishiga qaramasdan, mahkum vafot etgan.
Mahkum jazo muddatini o‘tashi davomida bir necha marotaba psixiatriya bo‘limiga borib davolanib kelgani aniqlangan.
Ayni paytda holat yuzasidan tekshirish harakatlari olib borilmoqda.
Izoh (0)