Qozog‘istonning qurilish industriyasi yetakchilaridan— BI Group kompaniyasi O‘zbekiston poytaxtida mustaqil ravishda, o‘zining original brendi ostida quradigan birinchi obyekti taqdimotini o‘tkazdi. U “Botanika Saroyi”— biznes-klassidagi noyob unikal turar-joy majmuasi bo‘ladi. Loyiha dam olish, ishlash, ta’lim va dinamik turmush tarzi uchun puxta rejalashtirilgan keng, chiroyli ko‘kalamzorlashtirilgan yashil maydonni o‘z ichiga olgan innovatsion shahar hayoti konsepsiyasini taklif qiladi.
Qayd etib o‘tishimiz lozim, yangi loyiha BI Group kompaniyasining 2020-yilda o‘zbekistonlik quruvchi Murad Buildings bilan hamkorlikda tashkil etilgan NRG qo‘shma kompaniyasi faoliyatiga ta’sir qilmaydi. Ikki yo‘nalish parallel ravishda rivojlantirilib boriladi.
Ikkita quruvchilar konsorsiumi Toshkentda NRG Oybek, NRG Mirzo Ulugbek va NRG U-Tower kabi uchta yirik loyihani amalga oshirdi. Bugungi kunda jamoalarning qo‘shma portfelida yana 8 ta turar-joy obyektlari mavjud. Ikki mingga yaqin xonadon qurildi. Yana 3000 tasi jarayonda. Tomonlar samarali hamkorlikni davom ettirish va sheriklikning strategik yo‘nalishlarini rivojlantirish niyatida.
Biroq, O‘zbekistonda qurilish industriyasiga ehtiyoj jadal sur’atlarda ortib bormoqda. Aynan shu jihat BI Group kompaniyasining yangi bozorga mustaqil kirishiga zarurat tug‘dirdi.
O‘zbekiston bugungi kunda demografik o‘sish bo‘yicha Markaziy Osiyo davlatlari orasida mutlaq yetakchi hisoblanadi. Xususan, so‘nggi besh yil ichida mamlakat tug‘ilish darajasi bo‘yicha doimiy ravishda o‘zining rekordini yangilab kelmoqda. Bu qisqa muddatda yashash sharoitlarini yaxshilash, uzoq muddatda esa yangi kvadrat metrlarni qurish uchun tabiiy ehtiyojni keltirib chiqaradi. Bundan tashqari, migrantlarning doimiy oqimi davom etmoqda, bu ham uy-joy bozoridagi talabga sezilarli ta’sir ko‘rsatadi.
Bunday sharoitda Toshkentda yana bir mustaqil ishtirokchining qurilish bozoriga kirib kelishi faqat foyda keltiradi. Qozog‘istonlik developer O‘zbekistonni o‘zining keyingi mustaqil rivojlanish rejasiga kiritgan va qo‘shni davlatning aholi zich joylashgan hududlariga kirib borishni rejalashtirgan.
“Bunday jiddiy ehtiyojlarga ega bo‘lgan davlatga yuqori malakali va xalqaro tajribaga ega quruvchilar kerak. Bularning barchasi BI Group haqida. Biz Markaziy Osiyodagi eng yirik, MDHda esa 3-o‘rindagi developermiz. Arsenalimizda Rossiya, Gruziya, Ozarbayjon, Sharqiy Yevropa, AQSh va boshqa davlatlarda muvaffaqiyatli amalga oshirilgan loyihalarga egamiz. Murad Buildings bilan hamkorligimiz tufayli O‘zbekiston bozorini, uning o‘ziga xos xususiyatlarini juda yaxshi bilamiz. Biz yangi mijozlarimizga katta hurmat bilan qaraymiz va qulaylik masalalarida ularning ehtiyojlari bilan ishlashda maksimal darajada sezgirlik ko‘rsatishga tayyormiz. Biz ularga sifat bilan birga, xonadonlarning onlayn savdosi, aqlli uy tizimi, BIG App raqamli xizmatlar platformasi kabi texnologik yechimlarimizni taklif qilmoqchimiz. Shuningdek, biz ijtimoiy mas’uliyatli biznesni qurish bo‘yicha o‘z vakolatlarimizni ko‘rsatish niyatidamiz. Masalan, Toshkentda alohida ehtiyojli bolalar uchun “Juldizay” tibbiy reabilitatsiya markazini ochishni rejalashtirganmiz”, - deydi K2 Janub bosh direktori Rasul Mustafin.
Qozog‘istonning yetakchi ishlab chiqaruvchisi o‘zining qariyb 30 yillik tarixi davomida 7 million m2 dan ortiq turar-joy ko‘chmas mulki va infratuzilmasini qurdi, 10 ta innovatsion maktabni bino qildi va boshqardi, 3000 km dan ortiq yo‘l yotqizdi. Rezyumesida ushbu quruvchini tanlaganidan mamnun bo‘lgan 100 000 dan ortiq mijozlar mavjud. Kompaniyaning vakolatlari va tajribasi bugungi kunda 2030-yilgacha Osiyo, BAA, AQSh va Yevropa bozorlariga chiqishni rejalashtirish imkonini beradi.
O‘zbekistonda yo‘lga qo‘yilishi kutilayotgan boshlang‘ich loyiha– “Botanika Saroyi” Qozog‘istonning mashhur NK Architects arxitektura byurosi bilan hamkorlikda ishlab chiqilgan. U BI Group loyihalarini bir-biridan ajratib turuvchi va ularga nafaqat Qozog‘istonda, balki chegaralardan tashqarida ham talab qilinadigan yuqori sifat va qulaylik standartlarini tartibga solish uchun mo‘ljallangan.
Sheriklik huquqi asosida.
Izoh (0)