Italiyada eng ko‘p qidirilayotgan 100 nafar jinoyatchidan biri — Neapol mafiyasi Kamorra klanlaridan birining taniqli vakili 31 yoshli Gaetano Angrisano qo‘lga olindi.
Bu haqda ANSA agentligi ma’lum qildi.
Jinoyatchi 1,5 yil davomida politsiyadan yashirinib yurgandi. Angrisano mafiya tarkibidagi faoliyat, giyohvand moddalar savdosi va boshqa noqonuniy xatti-harakatlari uchun 10 yilga qamaldi.
Jinoyatchi ikki yoshli o‘g‘lining tug‘ilgan kunini nishonlash chog‘ida qo‘lga olingan bo‘lib, operativ tadbirda 250 nafar politsiyachi ishtirok etgan.
Izoh (0)