Qoraqalpog‘istonda noqonuniy yo‘llar bilan kadastr hujjatlarini rasmiylashtirib berishni vaʼda qilgan bo‘lim boshlig‘i ushlandi. Bu haqda Bosh prokuratura huzuridagi departament xabar berdi.
Ma’lum qilinishicha, departamentning Qoraqalpog‘iston Respublikasi boshqarmasi tomonidan DXX va IIV xodimlari bilan hamkorlikda tezkor tadbir o‘tkazildi. Tadbirda N.Z. ismli shaxs fuqaro R.A.ning Nukus shahridagi noturar binosi kadastr hujjatlarini tanishlari yordamida rasmiylashtirib berishi evaziga 5 million so‘mini qo‘lga kiritib, yana 1,8 million so‘mni olgan vaqtida ashyoviy dalillar bilan ushlangan.
Shuningdek, N.Z.ning ko‘rsatuviga asosan davom etgan tadbirda Kadastr agentligining Mo‘ynoq tuman bo‘limi boshlig‘i S.A. fuqaro R.A.ning noturar binosi kadastr hujjatlarini rasmiylashtirib berishi evaziga N.Z. orqali qo‘lga kiritgan 5 million so‘mni qaytarib berayotgan vaqtida ushlanib, ushbu bino kadastr hujjatlari va pul mablag‘lari ashyoviy dalil sifatida olingan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Davlat kadastrlar palatasi Olmaliq shahar filiali bosh muhandisi pora olayotganida ushlangandi.
Izoh (0)