Novey kompaniyasi ilk marotaba smartfonlar ishlab chiqarishni yo‘lga qo‘ydi. Kompaniya 4 xil smarfonlarni bozorga olib chiqishni rejalashtirdi: Alpha A10, Force F15, Force G20 va Pro K 10.
Alpha A10, Force F 15, Force G20 smartfonlari 13-dekabr kuni sotuvga chiqdi, Pro K10 smartfoni esa yanvar oyida sotuvga chiqadi.
Novey taʼsischisi va rahbari Maʼruf Urunboyev “Daryo” bilan suhbatda yangi smartfonlar to‘g‘risida maʼlumot berdi.
“Knopka”li telefonlardan smartfonlarga
Biz 2019-yildan beri tugmali (“knopka”) telefonlar ishlab chiqaramiz. O‘tgan 5 yil davomida bir necha millionlab yurtdoshlarimiz mobil qurilmalarimizni xarid qildi. Hozirda tugmali telefonlarning 50 dan ortiq modeli mavjud. Biz bu yo‘nalishda yuqori natijalarga erishdik.
Hozir dunyoda smartfonlarga bo‘lgan talab juda yuqori. Jamoamiz bilan shuni inobatga olib, mazkur yo‘nalishda ham o‘z mahsulotlarimizni ishlab chiqarishni yo‘lga qo‘ydik.
Mobil qurilmalar sohasida 15 yillik tajribaga egaman. Kuzatuvlarimga ko‘ra, bu sohada bir qancha muammolar uchrab turadi.
Masalan, bilmagan holda sifatsiz telefon xarid qilish yoki sotib olingan mobil qurilmaning texnik imkoniyatlari narxiga to‘g‘ri kelmasligi va hokazo. Yana bir jihat shundaki, telefon buzilsa, ko‘p hollarda servis ko‘rsatish narxi yuqori. Shuning uchun biz 100 dan ortiq servis markazlarini ochdik.
Shunday muammolarni hal qilish maqsadida biz sifatli, arzon va servis xizmatlari kafolatlangan smartfonlar ishlab chiqarishga qaror qildik. Va yuqori malakali mutaxassislar bilan hamkorlikdan yangi 4 xil model, zamonaviy smartfonlar ishlab chiqara boshladik.
“Novey smartfonlari sifatli va arzon” — Shveysariyaning SGS kompaniyasidan sertifikat olganmiz.
Mahsulotlarimiz sifati yuqori.Tan olish lozim, yangi smartfonlar istalgan kompaniya mahsulotlari bilan raqobatlasha oladi.
Biz mahsulotlarga sifat nazorati bo‘yicha dunyoda yuqori o‘rinlarda turadigan Shveysariyaning SGS kompaniyasidan sertifikat olganmiz. Kompaniya xodimlari Shveysariyadan turib smartfonlarimizning sifatini nazorat qilgan. Oddiy mahsulotga SGS sertifikati berilmaydi. Xalqaro standartlarga javob beradigan mahsulotgagina u kompaniya sertifikat berishi mumkin.
Smartfon ishlab chiqarishdan asosiy maqsadimiz ko‘p qiymat berishdir. Yaʼni mahsulot sifati odamlar telefon olishga sarflagan pulidan ko‘proq qiymat berishi kerak. Bizda qimmat muqobil va sifatsiz mahsulotlardan odamlarni bartaraf etish missiyasi bor.
Novey smarfonlarining ustunliklari. Smartfonlar SGS sertifikatiga ega, O'zbekiston tarmoqlari uchun moslashtirilgan , operativ hotirasi 4gb dan kam bolmagan va trenddagi dizaynga ega. Mahsulotlarimiz Kutilgan ko'proq qiymat oling degan shior bilan chiqarilyapti. O'zbekistonda Yevropa standatiga ega milliy texnologik mahsulot bo'lganligidan mamnunman
“Maqsadimiz — insonlarning hayotini qulaylashtirish”
Biz bilan xalqaro darajadagi mutaxassislar hamkorlikda ishlamoqda. Shuning uchun mahsulotlarimiz sifati, albatta, mijozlarimizga yoqishiga ishonamiz. “Knopka”li mobil qurilmalarni ishlab chiqarishda ham davom etamiz.Biz uchun yangi yo‘nalish bo‘lgan smartfon ishlab chiqarish sohasini rivojlantiramiz.
Hozirda mahsulotlarimizni mijozlarga yetkazib berish bo‘yicha bir qator savdo kanallarimiz bor. Respublikamizning maishiy texnika bozorlarida, “Imkon”, “Ishonch”, “Texnomart” do'konlarida hamda uzum onlayn do'konida mahsulotimizni sotib olishingiz mumkin.
Sheriklik huquqi asosida.
Izoh (0)