Afrikada mavsumning eng yaxshi futbolchisi bo‘lish uchun nomzodlarning yakuniy uchligi e’lon qilindi

2023-yilda Afrikaning eng yaxshi futbolchisi bo‘lish uchun nomzodlarning yakuniy ro‘yxati e’lon qilindi.

Afrika futbol konfederatsiyasi (CAF) sovrin uchun da’vogarlik qiladigan uch nafar futbolchi nomini e’lon qildi.

Muhammad Saloh (“Liverpul”, Misr), Viktor Osimhen (“Napoli”, Nigeriya) va Ashraf Hakimi (“PSJ”, Marokash) Afrikada yilning eng yaxshi futbolchisi bo‘lish uchun kurash olib boradi. 

Eng yaxshi darvozabon sovrini uchun Andre Onana (“Manchester Yunayted”, Kamerun), Yassin Bunu (“Al-Hilol”, Marokash) va Muhammad ash-Shenavi (“Al-Ahli”, Misr) kabi kiperlarning nomzodlari qo‘yilgan.

Eng yaxshi murabbiy sovrini uchun quyidagi mutaxassislar kurash olib boradi: Valid Regragi (Marokash terma jamoasi), Aliu Sisse (Senegal terma jamoasi) va Abdulhaq Benshixa (“Simba”).

G‘oliblar konfederatsiya texnik qo‘mitasi, jurnalistlar, bosh murabbiylar terma jamoasi sardorlari ovozlari natijasiga ko‘ra aniqlanadi.

2022-yilda Afrikaning eng yaxshi futbolchisi sovrinini “Bavariya” safida to‘p surgan Sadio Mane qo‘lga kiritgandi.