Futbol bo‘yicha Braziliya chempionati o‘z yakuniga yetdi.
“Palmeyras” jamoasi so‘nggi turda “Kruzeyro” bilan 1:1 hisobida durang o‘ynadi va chempionlikni rasmiylashtirdi. San-Paulu klubi 70 ochko jamg‘arishga muvaffaq bo‘ldi. Ikkinchi o‘rinni egallagan “Gremio”da esa 68 ochko bor.
Qayd etib o‘tish joiz, “Palmeyras” ketma-ket ikkinchi marta, umumiy hisobda 12-marta turnirda g‘alaba qozonmoqda. Bu borada u yetakchi hisoblanadi. “Santos” shu vaqtga qadar 8 marta, “Korintians” va “Flamengo” 7 martadan Braziliya chempionatida zafar quchgan.
Bir vaqtlar Pele va Neymar to‘p surgan “Santos” esa o‘z tarixida ilk bor quyi divizionga tushib ketdi. Jamoa 43 ochko bilan 17-o‘rinni egalladi.
Izoh (0)