Тошкентдаги тезкор-профилактик тадбирлар доирасида яна тўрт киши ушланди

Тошкентда амалга оширилаётган “Долзарб қирқ кунлик” тезкор-профилактик тадбирлар давомида пойтахт ИИББ ва бошқа ҳуқуқни муҳофаза қилувчи органлар билан ҳамкорликда гиёҳвандлик воситаларининг ноқонуний муомаласи билан шуғулланувчи бир қатор шахслар аниқланди.

Жумладан, Сергели туманида истиқомат қилувчи 1968 йилда туғилган Хуснитдин Саидметовнинг уйида холислар иштирокида ўтказилган тинтув жараёнида 500 грамм марихуана гиёҳвандлик воситаси аниқланиб, ашёвий далил сифатида расмийлаштириб олинган.

Шунингдек, Учтепа туманида истиқомат қилувчи 1970 йилда туғилган Илёс Ахуновнинг уйида холислар иштирокида ўтказилган тинтув жараёнида 1 грамм гашиш, 1 грамм марихуана,  1 грамм кўкнор бошоғи гиёҳвандлик воситалари, бир дона электрон тарози ва икки дона гиёҳвандлик воситаларини истеъмол қилиш учун мўлжалланган елим идишлар аниқланган.

Юнусобод туманида истиқомат қилувчи 1980 йилда туғилган Азизхон Авлиаханов уйида холислар иштирокида ўтказилган тинтув жараёнида 0,05 грамм героин гиёҳвандлик воситаси аниқланиб, ашёвий далил сифатида расмийлаштириб олинган.

Бундан ташқари, Янгиҳаёт туманида 2002 йилда туғилган Бекзод Жураев бошқарувидаги Lacetti тўхтатилиб, холислар иштирокида ўтказилган 0,05 грамм гашиш гиёҳвандлик воситаси аниқланиб, ашёвий далил сифатида расмийлаштириб олинган.