“Maxsus harbiy operatsiya” zonasidagi imomlarga harbiy xizmatchilar bilan teng huquqlar berilishi kerak. Bu haqda Rossiya Muftiylar kengashi raisining birinchi o‘rinbosari Rushan Abbyasov “Govorit Moskva” radiostansiyasi bilan suhbatda ma’lum qildi.
Muftiy jangovar hududlarda imomlarning mavqeini mustahkamlashga chaqirdi. U islom ulamolari Ukrainadagi urushda boshidanoq qatnashib kelayotgani, nafaqat musulmon dindorlar bilan suhbatlar olib borishi, balki gumanitar yuklarini ham uzatishini bildirdi.
“Ular ham o‘z hayotlarini xavf ostiga qo‘yadi, chunki (havo hududida) parvozlar qayd etiladi. Ular ham harbiy xizmatchilar bilan birga bo‘ladi. Bugungi kunda imomlarimiz volontyorlar kabi davlat oldidagi maqomi belgilanmagan”, — deydi muftiy.
Abbyasov barcha dinlar vakillari tegishli taklifni qo‘llab-quvvatlashini taʼkidladi. Muftiy bu g‘oya qonunchilik tashabbusiga aylanishiga umid bildirdi.
Izoh (0)