Chexiya prezidenti Petr Pavel mamlakatning yana 14 fuqarosiga Ukraina Qurolli kuchlari (UQK) safiga qo‘shilishga ruxsat berdi. Shuningdek, sakkizta bunday so‘rovni rad etdi. Bu haqda irozhlas.cz axborot portali ma’lum qildi.
9-mart kuni davlat rahbari lavozimini egallagan Petr Paveldan avval Chexiya prezidenti bo‘lgan Milosh Zeman 2022-yil 24-fevralidan beri respublikaning 132 nafar fuqarosiga Ukraina Qurolli kuchlari safiga qo‘shilish uchun ruxsatnoma bergan. Portal ma’lumotlariga ko‘ra, hozirgacha umumiy hisobda 146 nafar fuqaro UQK safiga qo‘shilishga ruxsat olgan.
Shu bilan birga, ruxsatnoma olganlarning qanchasi aslida Ukrainaga ketgani ma’lum emas. Chexiya qonunchiligi respublika fuqarolarining prezident ruxsatisiz harbiy yoki harbiylashtirilgan xorijiy tuzilmalarda ishtirok etish imkoniyatini istisno qiladi. Ushbu qoida yashash uchun ruxsatnomaga ega bo‘lgan chet elliklar uchun ham qo‘llanishi mumkin.
2-iyul kuni Chexiya OAVlari politsiya mamlakat fuqarolaridan birini respublika prezidenti ruxsatisiz Ukraina Qurolli kuchlarining ko‘ngillilar batalyoniga qo‘shilgani haqida xabar tarqatdi. OAV ma’lumotlariga ko‘ra, u davlat rahbariga murojaat qilmasdan ukrainaliklar safiga qo‘shilganini tan oldi, chunki hokimiyat vakillari og‘zaki bayonotlarida Ukraina mudofaasiga qo‘shilganlarni jinoiy javobgarlikdan ozod qilishni kafolatlashgan. Shuning uchun u erkak o‘zini aybdor deb hisoblamasligini ma’lum qilgan.
Izoh (0)