O‘zbekistonda kelasi hafta boshida havo harorati 25 darajagacha iliydi

“O‘zgidromet” 27 — 29-noyabr kunlari respublika hududida kuzatiladigan ob-havo ma’lumotlarini e’lon qildi.

Qoraqalpog‘iston Respublikasi va Xorazm viloyatida havo o‘zgarib turadi, yog‘ingarchilik kutilmaydi, faqat 28-noyabrda baʼzi joylarda yomg‘ir yog‘ishi mumkin. Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi, 28 — 29-noyabrda baʼzi joylarda 15-20 metr/sekundgacha kuchayishi mumkin. Harorat kechasi 2-7 daraja iliq bo‘ladi. Kunduzi 27-noyabrda 18-23 daraja iliq, 28-noyabrda 12-17 daraja iliq, 29-noyabrda 8-13 daraja iliq, bo‘lishi kutilmoqda.

Buxoro va Navoiy viloyatlarida havo o‘zgarib turadi, 27 — 28 noyabrda yog‘ingarchilik kutilmaydi, 29-noyabrda baʼzi joylarda yomg‘ir yog‘ishi mumkin. Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi, 28 — 29-noyabrda baʼzi joylarda 15-20 metr/sekundgacha kuchayishi mumkin. Harorat kechasi 7-12 daraja iliq, kunduzi 27 — 28-noyabrda 20-25 daraja, 29-noyabrda 15-20 daraja iliq bo‘ladi.

Toshkent, Samarqand, Jizzax va Sirdaryo viloyatlarida havo o‘zgarib turadi, 27 — 28 noyabrda yog‘ingarchilik kutilmaydi, 29-noyabrda baʼzi joylarda yomg‘ir yog‘ishi mumkin. Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi, 29-noyabrda baʼzi joylarda 15-20 metr/sekundgacha kuchayishi mumkin. Harorat 27-noyabrda kechasi 5-10 daraja, kunduzi 18-23 daraja iliq, 28-noyabrda kechasi 7-12 daraja, kunduzi 18-23 daraja iliq, 29-noyabrda kechasi 9-14 daraja, kunduzi 15-20 daraja iliq bo‘ladi.

Qashqadaryo va Surxondaryo viloyatlarida havo o‘zgarib turadi, 27 — 28-noyabrda yog‘ingarchilik kutilmaydi, 29-noyabrda baʼzi joylarda yomg‘ir yog‘ishi mumkin. Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi, 29-noyabrda baʼzi joylarda 15-20 metr/sekundgacha kuchayishi mumkin. Harorat 27 — 28-noyabrda kechasi 7-12 daraja, kunduzi 20-25 daraja iliq, 29-noyabrda kechasi 9-14 daraja, kunduzi 18-23 daraja iliq bo‘ladi.

Andijon, Namangan va Farg‘ona viloyatlarida havo o‘zgarib turadi, yog‘ingarchilik kutilmaydi. Shamol sharqdan 5-10 metr/sekund tezlikda esadi. Harorat kechasi 5-10 daraja iliq, kunduz 27 — 28-noyabrda 17-22 daraja, 29-noyabrda 15-20 daraja iliq bo‘ladi.

Respublikaning tog‘ oldi va tog‘li hududlarida havo o‘zgarib turadi, 27-28 noyabrda yog‘ingarchilik kutilmaydi, 29-noyabrda baʼzi joylarda yomg‘ir yog‘ishi mumkin. Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi, 29-noyabrda baʼzi joylarda 15-20 metr/sekundgacha kuchayishi mumkin. Harorat kechasi 2-7 daraja iliq, kunduzi 27— 28-noyabrda 12-17 daraja, 29-noyabrda 6-11 daraja iliq bo‘lishi kutilmoqda.

Avvalroq “O‘zgidromet” 26-noyabr, yakshanba kuni respublika hududida kuzatiladigan ob-havo prognozini e’lon qilgandi.