Ўзбекистонда келаси ҳафта бошида ҳаво ҳарорати 25 даражагача илийди

“Ўзгидромет” 27 — 29 ноябрь кунлари республика ҳудудида кузатиладиган об-ҳаво маълумотларини эълон қилди.

Қорақалпоғистон Республикаси ва Хоразм вилоятида ҳаво ўзгариб туради, ёғингарчилик кутилмайди, фақат 28 ноябрда баъзи жойларда ёмғир ёғиши мумкин. Шарқий шамол йўналишини ўзгартириб, ғарбдан 7-12 метр/секунд тезликда эсади, 28 — 29 ноябрда баъзи жойларда 15-20 метр/секундгача кучайиши мумкин. Ҳарорат кечаси 2-7 даража илиқ бўлади. Кундузи 27 ноябрда 18-23 даража илиқ, 28 ноябрда 12-17 даража илиқ, 29 ноябрда 8-13 даража илиқ, бўлиши кутилмоқда.

Бухоро ва Навоий вилоятларида ҳаво ўзгариб туради, 27 — 28 ноябрда ёғингарчилик кутилмайди, 29 ноябрда баъзи жойларда ёмғир ёғиши мумкин. Шарқий шамол йўналишини ўзгартириб, ғарбдан 7-12 метр/секунд тезликда эсади, 28 — 29 ноябрда баъзи жойларда 15-20 метр/секундгача кучайиши мумкин. Ҳарорат кечаси 7-12 даража илиқ, кундузи 27 — 28 ноябрда 20-25 даража, 29 ноябрда 15-20 даража илиқ бўлади.

Тошкент, Самарқанд, Жиззах ва Сирдарё вилоятларида ҳаво ўзгариб туради, 27 — 28 ноябрда ёғингарчилик кутилмайди, 29 ноябрда баъзи жойларда ёмғир ёғиши мумкин. Шарқий шамол йўналишини ўзгартириб, ғарбдан 7-12 метр/секунд тезликда эсади, 29 ноябрда баъзи жойларда 15-20 метр/секундгача кучайиши мумкин. Ҳарорат 27 ноябрда кечаси 5-10 даража, кундузи 18-23 даража илиқ, 28 ноябрда кечаси 7-12 даража, кундузи 18-23 даража илиқ, 29 ноябрда кечаси 9-14 даража, кундузи 15-20 даража илиқ бўлади.

Қашқадарё ва Сурхондарё вилоятларида ҳаво ўзгариб туради, 27 — 28-ноябрда ёғингарчилик кутилмайди, 29 ноябрда баъзи жойларда ёмғир ёғиши мумкин. Шарқий шамол йўналишини ўзгартириб, ғарбдан 7-12 метр/секунд тезликда эсади, 29 ноябрда баъзи жойларда 15-20 метр/секундгача кучайиши мумкин. Ҳарорат 27 — 28 ноябрда кечаси 7-12 даража, кундузи 20-25 даража илиқ, 29 ноябрда кечаси 9-14 даража, кундузи 18-23 даража илиқ бўлади.

Андижон, Наманган ва Фарғона вилоятларида ҳаво ўзгариб туради, ёғингарчилик кутилмайди. Шамол шарқдан 5-10 метр/секунд тезликда эсади. Ҳарорат кечаси 5-10 даража илиқ, кундуз 27 — 28 ноябрда 17-22 даража, 29 ноябрда 15-20 даража илиқ бўлади.

Республиканинг тоғ олди ва тоғли ҳудудларида ҳаво ўзгариб туради, 27-28 ноябрда ёғингарчилик кутилмайди, 29 ноябрда баъзи жойларда ёмғир ёғиши мумкин. Шарқий шамол йўналишини ўзгартириб, ғарбдан 7-12 метр/секунд тезликда эсади, 29 ноябрда баъзи жойларда 15-20 метр/секундгача кучайиши мумкин. Ҳарорат кечаси 2-7 даража илиқ, кундузи 27— 28 ноябрда 12-17 даража, 29 ноябрда 6-11 даража илиқ бўлиши кутилмоқда.

Аввалроқ “Ўзгидромет” 26 ноябрь, якшанба куни республика ҳудудида кузатиладиган об-ҳаво прогнозини эълон қилганди.