HAMAS harakati dunyoning barcha davlatlarini falastinliklarga o‘z taqdirini o‘zi belgilash va poytaxti Quddus bo‘lgan mustaqil davlat yaratish huquqini berishga chaqirdi. Bu haqda harakat vakillari Telegram-kanalida yozgan.
“Biz dunyoning barcha davlatlarini Falastinni qo‘llab-quvvatlashga va xalqimizga o‘z taqdirini o‘zi belgilash hamda poytaxti Quddus bo‘lgan mustaqil davlat yaratish huquqini berishga chaqiramiz”, — deyiladi bayonotda.
HAMAS, shuningdek, “Falastinliklar genotsidi”ga aloqadorlarni javobgarlikka tortishga chaqirdi. 19-noyabr kuni Turkiya prezidenti G‘azo sektoridagi genotsid bo‘yicha xalqaro sudga da’vo arizasi berish niyatida ekanligini ma’lum qilgandi.
Bir kun avval Ispaniya bosh vaziri Pedro Sanches G‘azo sektoridagi “gumanitar falokatni to‘xtatish”ga chaqirib, Falastinni qo‘llab-quvvatlagandi. Shuningdek, u Belgiya bosh vaziri Aleksandr De Kroo bilan birgalikda uzoq muddatli gumanitar kelishuvlar va tinchlik bo‘yicha muzokaralar o‘tkazishni taklif qildi. Bunga javoban Isroil TIV Ispaniya va Belgiya elchilarini tushuntirish berish uchun chaqirdi.
Izoh (0)