Futbol bo‘yicha O‘zbekiston Superligasiga o‘tish o‘yini 2-bosqichida “Qo‘qon-1912” va “Mash’al” jamoalari 22-noyabr, chorshanba kuni o‘zaro bahs olib bordi.
Uchrashuvning 35-daqiqasida “Mash’al” futbolchisi Sergiy Petrov hisobni ochdi. 54-daqiqada Boburbek Sobirov hisobni tenglashtirdi.
Qolgan daqiqalarda darvozalar ishg‘ol etilmadi va jamoalar qo‘shimcha bo‘limlarga yo‘l oldi.
Qo‘shimcha bo‘limlarda Shahzod Beshimov darvozani ishg‘ol qilgandi. Biroq, VAR ushbu golni bekor qildi. Qo‘shimcha bo‘limlarda ham 1:1 hisobi qayd etilgach, g‘olib nomi penaltilar seriyasida aniqlanadigan bo‘ldi.
Penaltilar seriyasida “Qo‘qon-1912” 4:2 hisobida g‘alaba qozondi va keyingi bosqichga yo‘l oldi.
Superliga pley-off o‘yini
22-noyabr, chorshanba
“Qo‘qon-1912” – “Mash’al” 1:1 (4:2)
Gollar: 0:1 — 35 Sergiy Petrov, 1:1 — 54 Boburbek Sobirov.
“Qo‘qon-1912”: Nizomiddin Ziyovutdinov, Artyom Filiposyan, Bobur Akbarov, Iqobljon Malikjonov, Aleksandr Merzlyakov (Farhod Mirahmadov, 84), Jasur O‘rinov (Abduxoliq Qurbonov, 116), Doniyor Ismailov (Shahzod Beshimov, 46), Asadbek Zokirjonov (Abdujalil Manazarov, 90), Jamshid Hasanov, Anvarjon Xojimirzayev, Sanat Shixov (Bobur Sobirov, 46).
“Mash’al”: 12. Izzatulla Tursunov (1. Mashhurjon Muhammadjonov, 7), 2. Zafarbek Akramov, 4. Muhammadali Nomozov, 5. Najmiddin Normurodov, 6. Sharafiddin Shobirov (47. Kamronbek Abdulhamidov, 73), 7. Ibrohim No‘monov, 8. Anvarjon Jo‘rayev (17. Bobur Qosimov, 73), 21. Zoyirjon Tursunov (11. Saidmahmudxon G‘ulomov, 90), 22. Nurjahon Muzaffarov, 23. Otar Javishvili, 99. Sergiy Petrov.
Ogohlantirishlar: Muhammadali Nomozov (31), Otar Javishvili (60), Anvar Hojimirzayev (77).
Izoh (0)