Тошкентда жаҳон чемпионати олдидан World Series Pro финали бўлиб ўтди

Тошкент шаҳридаги Алпомиш спорт саройида World Series Pro турнирининг финал босқичи бўлиб ўтди.

Унда энг кучли полвонлар бор куч ва маҳоратини намойиш этди.

4 қитъадан ташриф буюрган 56 нафар энг кучли чемпионлар баҳслари ҳам ажойиб лаҳзаларга бой бўлди.

Куннинг иккинчи ярмида мусобақанинг тантанали очилиш маросими бўлиб ўтди.

Очилиш маросимида сўзга чиққан IKA Президенти Ҳайдар Фармон барча иштирокчиларни катта кураш турнири билан табриклади. Ҳар бир иштирокчи ўз ватанида Курашнинг ҳақиқий қаҳрамонлари эканлиги эътироф этди.

Шундан сўнг турнирнинг асосий қисми бошланди. 7 та вазннинг финал беллашувлари ўтказилди.

Дастлаб, -66 кг вазн тоифасида финалгача етиб келган азалий рақиблар баҳси ўзбекистонлик Артём Штурбабин ва эронлик Мажид Ваҳид Бариманлоу ўртасида бўлиб ўтди. Икки курашчи кўп бора тўқнаш келган. Осиё чемпионати, Жаҳон чемпионати финналарида бир-бирини маҳоратини синовдан ўтказган.

Артём Штурбабин бир ёнбош ва чала баҳоси билан рақибини мағлуб этди.

Барчани ҳаёжонга солган яна бир финал сўзсиз Жаҳон ва Осиё чемпиони Умид Эсанов ва кураш бўйича Африка чемпиони Басел Элдеб иштирокида бўлди. Умид Эсанов ҳам Басел Элдеб ҳам финалгача барча рақибларини ҳалол баҳоси билан соф ғалаба қозониб келаётган эди. Финалда эса Эсанов рақибига имконият қолдирмади. 

Барча ғолиб ва совриндорлар:

-66 кг вазн тоифаси

1. Артём Штурбабин (Ўзбекистон)
2. Мажид Бариманлоу (Эрон)
3. Савв Каракизидис (Греция)
3. Нико Тчикаидзе (Грузия)

-81 кг вазн тоифаси 

1. Умид Эсанов (Ўзбекистон)
2. Басел Элдеб (Миср)
3. Томас Белен (Доминикан Республикаси)
3. Констант Икомо (Конго Демократик Республикаси)

-90 кг вазн тоифаси

1. Па Гвиниашвили (Грузия)
2. Никита Дуиновс (Латвия)
3. Анхел Санчес (Мексика)
3. Жамалбек Асилбек Уулу (Қирғизистон)

+100 кг вазн тоифаси (мутлақ)

1. Муҳсин Ҳисомиддинов (Ўзбекистон)
2. Бекболот Токтогонов (Қирғизистон)
3. Тенторе Масманидис (Греция)
3. Реско Викторс (Латвия)

Аёллар ўртасида 

-57 кг вазн тоифаси

1. Ибодатхон Агажанова (Ўзбекистон)
2. Пинки Балхара (Ҳиндистон)
3. Виктория-Вал Муратидоу (Греция)
3. Нада Ашраф Салаҳ (Миср)

-70 кг вазн тоифаси

1. Викто Бологан (Бельгия)
2. Нада Муҳаммад Фаҳми (Миср)
3. Ван-Тинг Ли (Хитой Тайпейи)
3. Ритика (Ҳиндистон)

+70 кг вазн тоифаси (мутлақ)

1. Покизахон Камолиддинова (Ўзбекистон)
2. Аудрей Пуэлло (Доминикан Республикаси)
3. Габриэла Гигова (Болгария)
3. Алина Бургелея (Молдова)