Toshkentdagi shifoxonada yigit shifokor ayolga qarata stul otgandi. Bosh prokuratura matbuot xizmati holat yuzasidan jinoyat ishi qo‘zg‘atilganini ma’lum qildi.
Voqea 6-noyabr kuni, Toshkent shahar 7-son klinik shifoxonasida soat 16:00 lar atrofida sodir bo‘lgandi. 22 yoshli yigit uni virusolog-mutaxassis ko‘rigiga borishni tavsiya qilgan shifokorga qo‘pol munosabatda bo‘lib, unga qarata stul otgan. Holat aks etgan video ijtimoiy tarmoqlarda tarqalgan.
Bosh prokuratura bergan ma’lumotga ko‘ra, sodir bo‘lgan holat yuzasidan Jinoyat kodeksining 277-moddasi (bezorilik) bilan jinoyat ishi qo‘zg‘atildi. Ichki ishlar organlari tomonidan tergov harakatlari olib borilmoqda.
Izoh (0)