Nest One — баландлиги 267 метрли, 51 қаватдан иборат Ўзбекистондаги илк осмонўпар, кўп функцияли мажмуа. Салобатли бино пойтахтнинг ажойиб маназараси намоён бўлувчи премиум хонадонлар, офислар ва 33 та жамоат ҳудудларини ўзида жамлаган.
Тошкент шаҳрида Nest One осмонўпар биноси қурилиши якунлангани муносабати билан матбуот анжумани бўлиб ўтди.
Мулоқотда кўп функцияли иншоотнинг қурилиш жараёни қандай кечгани, унинг сифат ва имкониятлари тўғрисида суҳбатлашилди.
Тантанали тадбир Nest One муассислари — Murad Buildings асосчиси Мурод Назаров ва Ўзгувен компанияси асосчиси Ўзгур Онур Ўзгувен қутловлари ва табрик сўзлари билан бошланди.
Тадбиркорлар бундай йирик лойиҳани амалга ошириш жараёни, қурилиш ишларидаги қийинчилик ва синовлар ҳақида сўзлаб берди.
“Nest One — янги Ўзбекистон қудрати ва салоҳиятининг белгиси. Биз бу бинонинг қурилишини 2019 йилда бошлаган эдик. Бугун у тўлиқ қурилиб, битказилди ва ўз резидентларига эшикларини очишга тайёр. Биз ушбу лойиҳага ишонган ва уни қўллаб-қувватлаган инвесторларга миннатдормиз.
Қолаверса, президентимиз, шаҳар ҳокимлиги, кўплаб давлат ташкилотлари бизни қўллаб–қувватлашди. Шунинг учун бугунги муваффақият билан барчани табриклайман”, — деди Мурод Назаров.
Лойиҳа раҳбарлари осмонўпар бино қурилишида илғор муҳандислик технологияларидан кенг фойдаланилгани, иншоотнинг ҳар бир қисми сифатли материаллардан қурилганига алоҳида урғу бердилар.
Журналистлар ва блогерлар билан мулоқотда тадбиркор Ўзгур Онур Ўзгувен ҳам ўз фикрларини билдирди.
“Ҳурматли журналистлар, сизлар билан Nest One лойиҳасини бошлаганимиздан бери тўрт марта учрашдик. Дастлаб лойиҳа ҳақида, кейин унинг техник хусусиятлари тўғрисида суҳбатлашгандик. Учинчи учрашувимизда лойиҳамиз қайси босқичдалиги, нималар қураётганимизни кўрсатганмиз. Бугун эса қурилиш охирига етгани учун сизларни Nest One биносига такфик қилдик.
Айтишим керак, бу лойиҳани бир орзу каби бошлаганмиз. Ва орзумиз кўпчиликнинг ёрдами билан амалга ошди. Орзумизни рўёбга чиқишига ёрдам берган барчага раҳмат айтаман”, — деди туркиялик тадбиркор.
Nest One да жами 1029 та хонадон ва 29 та тезюрар лифтлар мавжуд. Тадбирда муассислар кўчмас мулк соҳиблари интиқлик билан кутган янгиликни эълон қилдилар. Яъни мажмуадаги хонадонлар, офислар ва ритейл-ҳудудлар эгаларига кадастр ҳужжатларини босқичма-босқич тақдим этиш бошланди.
Матбуот анжуманида лойиҳа раҳбарлари журналистларни қизиқтирган саволларга жавоб қайтарди.
Мулоқотдан сўнг, иштирокчилар учун кўп қаватли “шаҳар ичидаги шаҳар”нинг “А” блоки бўйлаб экскурсия ташкил қилинди.
Дастлаб ОАВ вакиллари бинонинг 1-қаватидаги кириш гуруҳи ва тижорат масканлари билан таништирилди. Бу ерда networking учун майдонлар ва дўконлар жойлашган бўлиб, улар шопинг, кафе ва ресторан ихлосмандларини жалб қилади.
Кейин иштирокчилар тезкор лифтлар ёрамида Nest Oneънинг 52-қаватига кўтарилди. Юқори қаватда томоша террасалари қурилган бўлиб, у ердан Тошкент шаҳри ва тоғларнинг мафтункор манзараларини кузатиш ва завқ олиш мумкин.
Қатнашчилар бино ичкарисидаги хавфсизлик тизимлари билан ҳам таништирилди. Мутахассислар барча қаватларда замонавий тутун сезиш ускуналари ўрнатилганини айтишди. Бинода эвакуация йўллари, вентиляция тизими, ёнғинга қарши лифтлар, авариявий ёритиш тизими ҳам мавжуд. Қолаверса, бино ичкарисига авариявий электр энергияси генераторлари ҳам ўрнатилган.
Nest One нинг 28-қаватида спорт билан шуғулланиш учун шароитлар яратилган. Шунингдек, бинонинг иккинчи ва учинчи қаватларида ёпиқ сув ҳавзаси ва СПА-мажмуасига эга фитнес-марказ, қишки боғ, бир нечта болалар ўйин майдончалари, кинозал, плай-статион ҳудуди ва караоке жойлашган.
Иштирокчилар 44-қаватда ҳам бўлди. У ерда “Самодаги виллалар” шоуруми жойлашган. Юқори қаватдан туриб, пастга қарасангиз, деразадан шаҳарнинг ажойиб маназараси кўриниб туради. Шоурум–хонадон интерер модасининг охирги талабларига мос равишда жиҳозланган.
Nest One да хонадонни 10 йил муддатга, чегараланмаган кредитлаш суммаси билан ипотекага харид қилиш ҳам мумкин. Ҳужжатларни расмийлаштириш учун фақат паспорт бўлса, кифоя.
Матбуот анжумани 48-қаватдаги байрам зиёфати билан якунланди. Унда Nest One жамоаси, журналистлар ва блогерлар қатнашди.
Ҳозир ҳам Ўзбекистондаги илк Nest One осмонўпарининг юқори қаватларида жойлашган ҳашаматли резиденсиялар эгаси бўлиш имкони бор. Бироқ севимли шаҳар кафтдек намоён бўладиган апартаментлар сони чекланган.
Реклама ҳуқуқи асосида.
Изоҳ (0)