2022-yil yanvaridan 2023-yil sentyabriga qadar Ukrainadagi kompyuter favqulodda vaziyatlarga chora ko‘rish guruhi (CERT-UA) qariyb 4 mingta kibermojaro qayd etilgan. Bu haqda AQSH moliya vaziri o‘rinbosari Grem Stil Nyu-Yorkda kiberxavfsizlikka bag‘ishlangan konferensiyada ma’lum qildi.
Qayd etilishicha, bu urushga qadar davrda qayd etilgan kibermojarolar darajasidan uch barobarga ortiq. Shuningdek, Stilning so‘zlariga ko‘ra, Rossiya Ukrainaga qarshi falokatli va buzg‘unchi kiberhujumlarni faol muvofiqlashtirmoqda. Ular orasidan nafaqat Ukrainaning ittifoqchi davlatlari tarmog‘iga kirish va josuslik, balki butun dunyo fuqarolariga nisbatan kiberta’sir ko‘rsatish operatsiyasi o‘rin olgan.
“Rossiya—Ukraina mojarosi kontekstidagi kiberfaollik faqat hukumat ishtirokchilari bilan chegaralanmaydi. Har ikki tomonning kibertashkilotlari qator yo‘nalishlarga, xususan, moliyaviy xizmatlarga ham qaratilgan”, — deydi AQSH moliya vaziri o‘rinbosari.
Uning so‘zlariga ko‘ra, 2023-yilning iyunida Rossiya manfaatlari uchun xizmat qiladigan NoName057 guruhi Ukraina moliya sektoriga hujumlar uyushtirish bilan tahdid qilgan, oqibatda ko‘plab Ukraina banklari to‘rt kun davomida DDoS-hujumlarga uchragan.
2022-yilda xakerlar kripto investorlardan deyarli 4 milliard dollar o‘g‘irlagani ma’lum bo‘lgandi. Yil davomida mablag‘larning katta qismi oktabr oyida o‘g‘irlangan — 32 ta hujum natijasida xakerlar 775,7 million dollarni qo‘lga kiritgan.
Izoh (0)