2022 йил январидан 2023 йил сентябрига қадар Украинадаги компьютер фавқулодда вазиятларга чора кўриш гуруҳи (CEРТ-УА) қарийб 4 мингта киберможаро қайд этилган. Бу ҳақда АҚШ молия вазири ўринбосари Грем Стил Нью-Йоркда киберхавфсизликка бағишланган конференцияда маълум қилди.
Қайд этилишича, бу урушга қадар даврда қайд этилган киберможаролар даражасидан уч баробарга ортиқ. Шунингдек, Стилнинг сўзларига кўра, Россия Украинага қарши фалокатли ва бузғунчи киберҳужумларни фаол мувофиқлаштирмоқда. Улар орасидан нафақат Украинанинг иттифоқчи давлатлари тармоғига кириш ва жосуслик, балки бутун дунё фуқароларига нисбатан кибертаъсир кўрсатиш операцияси ўрин олган.
“Россия—Украина можароси контекстидаги киберфаоллик фақат ҳукумат иштирокчилари билан чегараланмайди. Ҳар икки томоннинг киберташкилотлари қатор йўналишларга, хусусан, молиявий хизматларга ҳам қаратилган”, — дейди АҚШ молия вазири ўринбосари.
Унинг сўзларига кўра, 2023 йилнинг июнида Россия манфаатлари учун хизмат қиладиган NoName057 гуруҳи Украина молия секторига ҳужумлар уюштириш билан таҳдид қилган, оқибатда кўплаб Украина банклари тўрт кун давомида DDoS-ҳужумларга учраган.
2022 йилда хакерлар крипто инвесторлардан деярли 4 миллиард доллар ўғирлагани маълум бўлганди. Йил давомида маблағларнинг катта қисми октябрь ойида ўғирланган — 32 та ҳужум натижасида хакерлар 775,7 миллион долларни қўлга киритган.
Изоҳ (0)