AQSHning OpenAI kompaniyasi bosh direktori Sem Altman iste’foga jo‘natildi. Direktorlar kengashi kompaniya rahbari kengash bilan munosabatda “rostgo‘y bo‘lmagani” uchun shu kabi qarorni qabul qilgan. Gap aynan nima haqida ketayotganiga aniqlik kiritilmagan.
“Janob Altmanning ketishi ketishiga direktorlar kengashi tomonidan ko‘rib chiqilgan jarayon yakunidagi xulosa sabab bo‘ldi. U kengash bilan munosabatda doim ham ro‘stgo‘y bo‘lmagan, bu esa unga o‘z majburiyatlarini bajarishga to‘sqinlik qilgan. Kengash u endilikda OpenAI’ga rahbarilik qila olishiga ishonch yo‘q”, — deyiladi kompaniya xabarida.
Bosh direktor vazifasini vaqincha kompaniyaning texnologiyalar bo‘yicha direktori Mira Murati bajarib turdi. Xabarda aytilishicha, “doimiy vorisni qidirish ishlari amalga oshirilmoqda”.
OpenAI kompaniyasiga 2015-yilda asos solingan. U sun’iy intellektni o‘rganish bilan shug‘ullanadi. Kompaniya ChatGPT chat-boti asoslangan GPT til modellari avlodini yaratgani bilan mashhur. Uning asoschilaridan biri Ilon Mask bo‘lib, keyinchalik u manfaatlari to‘qnashuvi sabab direktorlar kengashidan ketgan edi. 2019-yil Microsoft kompaniyaga 1 milliard dollar sarmoya kiritgandi.
Sem Altman ham OpenAI asoschilaridan biri hisoblanadi. U kompaniyaga 2020-yildan beri rahbarlik qilib kelayotgan edi. Unga qadar Y Combinator biznes-inkubatori rahbari bo‘lgan.
Izoh (0)