Yarim o‘rta vazn toifasida o‘zbekistonlik charm qo‘lqop ustasi Shahram G‘iyosov navbatdagi jangini 13-yanvar kuni o‘tkazadi.
O‘zbekiston professional boks federatsiyasi matbuot xizmati ma’lum qilishicha, Shahram faoliyatidagi o‘n beshinchi jangini 2024 yil 13 yanvar kuni meksikalik bokschi Pablo Sezar Kanoga qarshi o‘tkazadi.
Ma’lumot uchun, G‘iyosov prof boksda hozirgacha 14 ta jang o‘tkazgan va ularning barchasida g‘alaba qozongan. Janglarining to‘qqiztasida muddatidan ilgari zafar quchgan.
Uning bo‘lajak raqibi Pablo Sezar Kano esa faoliyati davomida 44 ta jang o‘tkazgan va ularning 35 tasida g‘alaba qozongan, 8 ta jangda mag‘lub bo‘lgan va bittasida durang qayd etilgan.
Ahamiyatlisi, Pablo faoliyati davomida ikki bor jahon chempionlik kamarlari uchun jangga chiqqan va har ikki jangda mag‘lub bo‘lgan.
Izoh (0)