Toshkent xalqaro turizm yarmarkasi (TXTY) — 1995-yildan buyon BMT Butunjahon turizm tashkiloti (UNWTO) ko‘magida o‘tkazib kelinayotgan har yilgi turizm anjumani.
Mazkur tadbir O‘zbekistonda yagona, Markaziy Osiyo bo‘yicha esa eng yirik yarmarka hisoblanadi.
15—17-noyabr kunlari “O‘zekspomarkaz” MKMda “Ipak yo‘lida turizm”
28-Toshkent xalqaro turizm yarmarkasi bo‘lib o‘tadi.
Har yili mazkur tadbir dunyoning turli mamlakatlaridan yuzlab turizm sohasi mutaxassislarini birlashtirib, ushbu sohani xalqaro miqyosda rivojlantirish uchun shart-sharoitlar yaratib kelmoqda.
Yarmarka O‘zbekiston Turizm qo‘mitasi, “Milliy PR-markazi” DUK, Team&Co kompaniyasi tomonidan tashkil etilmoqda.
TXTY-2023 doirasida uch kun davomida Fransiya, Yaponiya, Malayziya, Tailand, Koreya, Rossiya, Qozog‘iston, Belarus, Ozarbayjon va boshqa 30 dan ortiq davlatlarning turizm ma’muriyatlari ishtirokida xalqaro ko‘rgazma bo‘lib o‘tadi.
Yarmarkada 200 dan ortiq stendlar namoyish etilmoqda, ulardan 14 tasi O‘zbekiston hududlariga tegishli bo‘lib, viloyatlarning madaniy merosini aks ettiradi, bu esa yarmarkaga tashrif buyuruvchilarning mamlakat sayyohlik salohiyati haqidagi tushunchalarini shakllantirishda muhim omil bo‘lib xizmat qiladi.
Forum, jumladan, yetakchi xalqaro va milliy ekspertlar ishtirokida panel sessiyalari, xalqaro oshpazlar tomonidan mahorat darslari o‘tkaziladigan gastro-bozor, mamlakat madaniy merosini namoyish etuvchi o‘zbekistonlik hunarmandlarning ko‘rgazmasi bo‘lib o‘tadi. Yangi qo‘shma loyihalarni amalga oshirishga ko‘maklashuvchi va turizm sanoatini rivojlantirishda muhim ahamiyatga ega B2B uchrashuvlari tashkil qilinadi.
TXTY-2023 panel sessiyalariga turizm sohasidagi taniqli mutaxassislar taklif etilgan.
Ular orasida O‘zbekiston turizm brendi elchilari, BBC World News, Lonely Planet, Markaziy Osiyo mamlakatlari va Rossiya turizm tashkilotlari uyushmalari vakillari, PR mutaxassislari va boshqalar bor.
Birinchi kunning eng hayajonli voqealaridan biri TXTY-2023ning ochilish marosimi bo‘ldi. Yarmarkaning ishbilarmonlik dasturi doirasida turizm va mehmondo‘stlik sohasi mutaxassislari ushbu sohaning istiqbollari va bugungi holatini muhokama qildilar, “Mamlakat turizmini rivojlantirishda madaniyatning o‘rni” va “Yangi turistik yo‘nalishlar taqdimoti” mavzulariga bag‘ishlangan sessiyalar bo‘lib o‘tdi.
Turizm yarmarkasiga 10 mingdan ortiq mehmon tashrif buyurishi, jumladan, MDH va Yevropa davlatlaridan, 30 ta davlatdan 4500 nafar turizm sohasi vakillari ishtirok etishi, 20 mingdan ortiq muzokaralar o‘tkazish va o‘zaro hamkorlik bo‘yicha 7000 dan ortiq shartnomalar imzolanishi kutilmoqda.
Moskva (Discover Moscow) ilk bor TXTY-2023 da kechki ziyofatning hamkori sifatida ishtirok etmoqda.
Ko‘rgazmaning bosh hamkori – Uzbekistan Airways AJ aviakompaniyasi, moliyaviy hamkori – Asia Alliance Bank, axborot hamkori – “Dunyo bo‘ylab” telekanali, Profi.Travel kompaniyasi, qurilish bo‘yicha hamkori – Says, Xitoydagi sotuv bo‘yicha hamkori — Travel Together kompaniyasi.
Yana 2 kun davom etadigan turizm sohasidagi eng yirik tadbirga tashrif buyurishga shoshiling. Turli mamlakatlar muhitidan bahramand bo‘lish, ko‘plab ijobiy his-tuyg‘ularni boshdan kechirish va keyingi sayohatingizni rejalashtirish imkoniyatini qo‘ldan boy bermang!
Yarmarkaga kirish bepul.
Reklama huquqi asosida.
Izoh (0)