Build Pro Expo 2023 doirasida tadbir tashkilotchilari jamiyat va aholining muxtoj qatlamlariga yordam berishga qaratilgan sa’y-harakatlarga yo‘naltirib, ijtimoiy faollikni namoyish etishni rejalashtirmoqda.
Qurilish sohasidagi yilning muhim voqealaridan biri – Build Pro Expo 2023 ko‘rgazmasining tashkilotchisi bo‘lgan “Sof Expo Center Samarkand” ko‘rgazmaga yangi rang qo‘shishga, shu orqali texnologiya va biznesni xayriya bilan uyg‘unlashtirishga qaror qildi. Bunday tadbirlar bozor ishtirokchilarini muntazam ravishda innovatsion g'oyalar, texnologiyalar va qurilishning kelajagi uchun qarashlari bilan o'rtoqlashadigan, aloqalarni o'rnatadigan va hamkorlik shartnomalarini tuzadigan tadbirlardir.
Ammo shu yil ko'rgazma ishtirokchilari va mehmonlariga biznes ko'rgazmani o'ziga xos ma'no va qadriyat bilan to'ldiradigan takliflar beriladi.
– Xayriya tashabbusi barchamiz uchun jamiyatga hissa qo‘shish, o‘z kasbiy tajribamizdan ijobiy o‘zgarishlar yaratishda foydalanish uchun kuch va resurslarni birlashtirish imkoniyatidir, – deydi tadbir tashkilotchisi Ahmad Tadjibayev.
– Albatta, ma'naviy jihatdan tashqari, zamonaviy kompaniyalar rivojlanishida ijtimoiy- korporativ mas'uliyatning asosiy rolini unutmasligimiz kerak. Rivojlanayotgan startaplar uchun ham, yirik biznes uchun ham KSM, - bu birinchi navbatda, obro‘va ishonchdir”.
Ko‘rgazmaning 3 kuni davomida, 22—24 noyabr kunlari barcha ko‘rgazma ishtirokchilari va mehmonlariga “Yaxshilik me’morchiligi” xayriya tadbirida ishtirok etish imkoniyati taqdim etiladi. Bir qator notijorat tashkilotlar yordam ob'ektlari sifatida taqdim etiladi:
- “Nurli maskan” ko‘zi ojiz bolalar maktab internatida bugungi kunda 245 nafar o‘quvchi tahsil olmoqda, ular orasida Respublika maktab olimpiadasi g‘oliblari bo‘lgan iqtidorli bolalar ham ko‘p.
- “Saxovat” keksalar va nogironlar uyi – qarindoshlari yoki ularga tegishli parvarish ko‘rsatishga qodir bo‘lmagan boshqa shaxslari bo‘lmagan yolg‘iz keksalar va 18 yoshdan oshgan I va II guruh nogironlari uchun davlat tibbiy-ijtimoiy muassasasi hisoblanadi.
- Terra vita – Samarqanddagi eng birinchi jonzotlar uchun boshpana uyidir. Ushbu muassasada 120 dan ortiq it va mushuklar yashaydi, ularning aksariyati turli xil jarohatlarga ega. Bu yerda saqlanadigan barcha jonzotlar emlanadi, sterilizatsiya qilinadi va ularning barchasi pasportga ega.
- SOS Bolalar shaharchasi (Samarqand), uning faoliyati ota-ona qaramog‘isiz qolgan yoki ijtimoiy etimlik xavfi ostida qolgan bolalar va yoshlarga, shuningdek, og‘ir hayotiy vaziyatga tushib qolgan oilalarga qaratilgan.
“Sof Expo” kompaniyasi tomonidan mazkur obyektlarga bo‘lgan ehtiyoj va talablarni aniqlash bo‘yicha ishlar olib borildi. Kerakli yordam ro'yxati, shuningdek, aloqalar va tashkilotlar manzillari haqidagi ma'lumotlar ko'rgazma koordinatorlari tomonidan taqdim etiladi.
Eng yaxshi namuna – bu shaxsiy y’ani o’zimizdan o’rnak. Tashkilotchi sifatida Sof Expo birinchi bo'lib "Yaxshilik arxitekturasi" ga g'isht qo'yadi va ko‘rgazmada ishtirok etish uchun tushgan mablag‘ning bir qismi Nurli Maskan maktabi foydasiga o‘tkazilishini e’lon qiladi. Xususan, mablag‘lar maktab-internat hududida kir yuvish uchun mo‘ljallangan xona qurilishiga ajratiladi.
Rejalashtirilgan tashabbus an'anaviy biznes va hamkorlik doirasidan tashqariga chiqadi. Ko‘rgazma tashkilotchilarining fikricha, yangi tajriba jamiyatga g‘amxo‘rlik qilish ilhomlantiruvchi urg‘uga aylanib, qurilish texnologiyalari olamiga yangi ma’no va imkoniyatlar qo‘shadigan platforma yaratishga yordam beradi. Birgalikda kompaniyalar nafaqat tijoriy muvaffaqiyatga, balki har bir kishi qo'llab-quvvatlanadigan va chinakam ishtirok etadigan jamiyatni yaratishga intiladi.
Reklama huquqi asosida.
Izoh (0)