Тошкент халқаро туризм ярмаркаси (ТХТЙ) — 1995 йилдан буён БМТ Бутунжаҳон туризм ташкилоти (UNWTO) кўмагида ўтказиб келинаётган ҳар йилги туризм анжумани.
Мазкур тадбир Ўзбекистонда ягона, Марказий Осиё бўйича эса энг йирик ярмарка ҳисобланади.
15—17 ноябрь кунлари “Ўзекспомарказ” МКМда “Ипак йўлида туризм”
28-Тошкент халқаро туризм ярмаркаси бўлиб ўтади.
Ҳар йили мазкур тадбир дунёнинг турли мамлакатларидан юзлаб туризм соҳаси мутахассисларини бирлаштириб, ушбу соҳани халқаро миқёсда ривожлантириш учун шарт-шароитлар яратиб келмоқда.
Ярмарка Ўзбекистон Туризм қўмитаси, “Миллий PR-маркази” ДУК, Теам&Cо компанияси томонидан ташкил этилмоқда.
ТХТЙ-2023 доирасида уч кун давомида Франция, Япония, Малайзия, Таиланд, Корея, Россия, Қозоғистон, Беларусь, Озарбайжон ва бошқа 30 дан ортиқ давлатларнинг туризм маъмуриятлари иштирокида халқаро кўргазма бўлиб ўтади.
Ярмаркада 200 дан ортиқ стендлар намойиш этилмоқда, улардан 14 таси Ўзбекистон ҳудудларига тегишли бўлиб, вилоятларнинг маданий меросини акс эттиради, бу эса ярмаркага ташриф буюрувчиларнинг мамлакат сайёҳлик салоҳияти ҳақидаги тушунчаларини шакллантиришда муҳим омил бўлиб хизмат қилади.
Форум, жумладан, етакчи халқаро ва миллий экспертлар иштирокида панел сессиялари, халқаро ошпазлар томонидан маҳорат дарслари ўтказиладиган гастро-бозор, мамлакат маданий меросини намойиш этувчи ўзбекистонлик ҳунармандларнинг кўргазмаси бўлиб ўтади. Янги қўшма лойиҳаларни амалга оширишга кўмаклашувчи ва туризм саноатини ривожлантиришда муҳим аҳамиятга эга B2B учрашувлари ташкил қилинади.
ТХТЙ-2023 панел сессияларига туризм соҳасидаги таниқли мутахассислар таклиф этилган.
Улар орасида Ўзбекистон туризм бренди элчилари, BBC World News, Лонелй Планет, Марказий Осиё мамлакатлари ва Россия туризм ташкилотлари уюшмалари вакиллари, PR мутахассислари ва бошқалар бор.
Биринчи куннинг энг ҳаяжонли воқеаларидан бири ТХТЙ-2023нинг очилиш маросими бўлди. Ярмарканинг ишбилармонлик дастури доирасида туризм ва меҳмондўстлик соҳаси мутахассислари ушбу соҳанинг истиқболлари ва бугунги ҳолатини муҳокама қилдилар, “Мамлакат туризмини ривожлантиришда маданиятнинг ўрни” ва “Янги туристик йўналишлар тақдимоти” мавзуларига бағишланган сессиялар бўлиб ўтди.
Туризм ярмаркасига 10 мингдан ортиқ меҳмон ташриф буюриши, жумладан, МДҲ ва Европа давлатларидан, 30 та давлатдан 4500 нафар туризм соҳаси вакиллари иштирок этиши, 20 мингдан ортиқ музокаралар ўтказиш ва ўзаро ҳамкорлик бўйича 7000 дан ортиқ шартномалар имзоланиши кутилмоқда.
Москва (Дисcовер Moscow) илк бор ТХТЙ-2023 да кечки зиёфатнинг ҳамкори сифатида иштирок этмоқда.
Кўргазманинг бош ҳамкори – Uzbekistan Airways АЖ авиакомпанияси, молиявий ҳамкори – Asia Аллианcе Банк, ахборот ҳамкори – “Дунё бўйлаб” телеканали, Профи.Travel компанияси, қурилиш бўйича ҳамкори – Says, Хитойдаги сотув бўйича ҳамкори — Travel Together компанияси.
Яна 2 кун давом этадиган туризм соҳасидаги энг йирик тадбирга ташриф буюришга шошилинг. Турли мамлакатлар муҳитидан баҳраманд бўлиш, кўплаб ижобий ҳис-туйғуларни бошдан кечириш ва кейинги саёҳатингизни режалаштириш имкониятини қўлдан бой берманг!
Ярмаркага кириш бепул.
Реклама ҳуқуқи асосида.
Изоҳ (0)