Buyuk Britaniyaning Daily Mail gazetasi jurnalistlari iyul oyi boshida Oq uyda topilgan kokain suratlarini chop etdi. Giyohvand moddalarning taxminiy egasi prezident qarorgohiga ekskursiya uchun kelgan erkak bo‘lgan.
Aniqlik kiritilishicha, giyohvand moddalar qarorgohga tashrif buyuruvchilar foydalanadigan shkaflardan birida topilgan. Qarorgohga kelgan mehmonlar shkafni tanlab, u yerga shaxsiy buyumlarini qoldirgan. Oq uyda kokain topilgani bo‘yicha o‘tkazilgan tergovda Federal qidiruv boshqarmasi direktori o‘rinbosari Pol Ebbeyt ishtirok etgan.
Mutaxassislar videokuzatuv kameralaridagi barcha yozuvlarni ko‘rib chiqqan, hodisada taxminan 500 kishi gumon qilingan, ammo kokain egasini aniqlanmagan. Hozirda ish “dalil yo‘qligi sababli yopilgan”.
Oq uyda kokain aniqlanishi
2-iyulda Oq uyda shubhali oq kukun topilgan edi. Qarorgohda evakuatsiya e’lon qilingan. Shu kuni AQSH prezidenti Jo Bayden uyda bo‘lmagan.
New York Post gazetasi kokain topilishidan sal oldin, prezidentning narkotik mojarolari bilan tanilgan o‘g‘li Xanter Bayden Oq uyga tashrif buyurganini yozgan. Keyinroq gazeta manbalari kokain Baydenlar oilasiga yaqin odamga tegishli ekanini ma’lum qilgan. Shu bilan birga, AQSH rahbari u kimga tegishli ekanini bilishi aytilgan.
Izoh (0)