Буюк Британиянинг Daily Mail газетаси журналистлари июль ойи бошида Оқ уйда топилган кокаин суратларини чоп этди. Гиёҳванд моддаларнинг тахминий эгаси президент қароргоҳига экскурсия учун келган эркак бўлган.
Аниқлик киритилишича, гиёҳванд моддалар қароргоҳга ташриф буюрувчилар фойдаланадиган шкафлардан бирида топилган. Қароргоҳга келган меҳмонлар шкафни танлаб, у ерга шахсий буюмларини қолдирган. Оқ уйда кокаин топилгани бўйича ўтказилган терговда Федерал қидирув бошқармаси директори ўринбосари Пол Эббейт иштирок этган.
Мутахассислар видеокузатув камераларидаги барча ёзувларни кўриб чиққан, ҳодисада тахминан 500 киши гумон қилинган, аммо кокаин эгасини аниқланмаган. Ҳозирда иш “далил йўқлиги сабабли ёпилган”.
Оқ уйда кокаин аниқланиши
2 июлда Оқ уйда шубҳали оқ кукун топилган эди. Қароргоҳда эвакуация эълон қилинган. Шу куни АҚШ президенти Жо Байден уйда бўлмаган.
New York Post газетаси кокаин топилишидан сал олдин, президентнинг наркотик можаролари билан танилган ўғли Хантер Байден Оқ уйга ташриф буюрганини ёзган. Кейинроқ газета манбалари кокаин Байденлар оиласига яқин одамга тегишли эканини маълум қилган. Шу билан бирга, АҚШ раҳбари у кимга тегишли эканини билиши айтилган.
Изоҳ (0)