Turkiyani yangicha ko‘rinishda kashf eting – bugun, 4-noyabr kuni Uzbekistan Airways Toshkentdan Anqaraga birinchi muntazam reysini amalga oshirdi. Parvozlar har hafta, shanba kunlari bajariladi.
Uzbekistan Airways aviakompaniyasi parvozlar geografiyasini kengaytirish va yo‘lovchilarni yangi yo‘nalishlar bilan quvontirishda davom etmoqda. Endilikda O‘zbekiston fuqarolari Istanbuldan tashqari Turkiyaning boshqa shahri, ya’ni, Anqaraga ham sayohat qilishlari mumkin bo‘ladi!
Kichik Osiyodagi eng qadimiy shaharlardan biri sizni boy tarixiy merosi, jumladan, qadimiy obidalar, noyob muzeylar va madaniy jihatdan diqqatga sazovor bo‘lgan joylari bilan hayratda qoldiradi, mahalliy aholining mehmondo‘stligi va shahar energiyasi esa sayohatingizga o‘ziga xos joziba bag‘ishlaydi.
4-noyabr kuni Uzbekistan Airways Toshkent – Anqara – Toshkent yo‘nalishi bo‘yicha birinchi muntazam parvozini amalga oshirdi. HY9291/9292 reyslari har hafta, shanba kunlari quyidagi jadvalga muvofiq amalga oshiriladi:
- Toshkentdan jo‘nab ketish Toshkent vaqti bilan soat 06:15 da;
- Anqaraga yetib kelish Anqara vaqti bilan soat 09:15 da;
- Anqaradan jo‘nab ketish Anqara vaqti bilan soat 10:45 da;
- Toshkentga yetib kelish Toshkent vaqti bilan soat 16:50 da.
Toshkentdan Anqaraga bo‘lgan aviachiptani 2 152 000 so‘mdan, Toshkent - Anqara - Toshkent yo‘nalishi bo‘yicha esa 4 233 000 so‘mdan xarid qilish mumkin!
Aviachiptalarni aviakompaniyaning rasmiy www.uzairways.com saytidan 3% chegirma bilan, mobil ilova orqali, Uzbekistan Airways Sales filialida yoki aviakompaniya agentlaridan xarid qilishingiz mumkin.
Reklama huquqi asosida.
Izoh (0)