Туркияни янгича кўринишда кашф этинг – бугун, 4 ноябрь куни Uzbekistan Airways Тошкентдан Анқарага биринчи мунтазам рейсини амалга оширди. Парвозлар ҳар ҳафта, шанба кунлари бажарилади.
Uzbekistan Airways авиакомпанияси парвозлар географиясини кенгайтириш ва йўловчиларни янги йўналишлар билан қувонтиришда давом этмоқда. Эндиликда Ўзбекистон фуқаролари Истанбулдан ташқари Туркиянинг бошқа шаҳри, яъни, Анқарага ҳам саёҳат қилишлари мумкин бўлади!
Кичик Осиёдаги энг қадимий шаҳарлардан бири сизни бой тарихий мероси, жумладан, қадимий обидалар, ноёб музейлар ва маданий жиҳатдан диққатга сазовор бўлган жойлари билан ҳайратда қолдиради, маҳаллий аҳолининг меҳмондўстлиги ва шаҳар энергияси эса саёҳатингизга ўзига хос жозиба бағишлайди.
4 ноябрь куни Uzbekistan Airways Тошкент – Анқара – Тошкент йўналиши бўйича биринчи мунтазам парвозини амалга оширди. HY9291/9292 рейслари ҳар ҳафта, шанба кунлари қуйидаги жадвалга мувофиқ амалга оширилади:
- Тошкентдан жўнаб кетиш Тошкент вақти билан соат 06:15 да;
- Анқарага етиб келиш Анқара вақти билан соат 09:15 да;
- Анқарадан жўнаб кетиш Анқара вақти билан соат 10:45 да;
- Тошкентга етиб келиш Тошкент вақти билан соат 16:50 да.
Тошкентдан Анқарага бўлган авиачиптани 2 152 000 сўмдан, Тошкент - Анқара - Тошкент йўналиши бўйича эса 4 233 000 сўмдан харид қилиш мумкин!
Авиачипталарни авиакомпаниянинг расмий www.uzairways.com сайтидан 3% чегирма билан, мобил илова орқали, Uzbekistan Airways Sales филиалида ёки авиакомпания агентларидан харид қилишингиз мумкин.
Реклама ҳуқуқи асосида.
Изоҳ (0)