Andijon tumani “Yangiobod” MFYda mahalla raisi ikki tup daraxtni noqonuniy kesilgani ma’lum bo‘ldi, deb xabar beradi Ekologiya, atrof-muhitni muhofaza qilish va iqlim o‘zgarishi vazirligi.
Ijtimoiy tarmoqlarda “Yangiobod” MFYda ikki tup daraxt kesilgani haqida xabar tarqaldi. Holat yuzasidan Andijon viloyati Ekologiya boshqarmasi tomonidan o‘rganish ishlari olib borilgan. O‘rganish davomida mahalla idorasi yonidagi ikki tup daraxt mahalla raisi V. U. tomonidan kesilganli aniqlangan. Natijada o‘simlik dunyosiga 57 million 750 ming so‘m miqdoridagi zarar yetkazilgan.
Holatga huquqiy baho berish va qonunbuzarga nisbatan chora ko‘rish maqsadida tegishli hujjatlar tuman prokuraturasiga taqdim etilgan.
Avvalroq Xorazmda o‘zini tadbirkor deb tanishtirgan shaxslar istirohat bog‘idagi daraxtlarni kesib tashlagandi. Buxoroda 22 tup qarag‘ay noqonuniy kesilib, tabiatga 144,3 million so‘mlik ziyon yetkazilgandi. Farg‘onadagi chegara posti yaqinida 12 tup manzarali daraxt qo‘porib tashlangani xabar qilingandi.
Izoh (0)