Андижон тумани “Янгиобод” МФЙда маҳалла раиси икки туп дарахтни ноқонуний кесилгани маълум бўлди, деб хабар беради Экология, атроф-муҳитни муҳофаза қилиш ва иқлим ўзгариши вазирлиги.
Ижтимоий тармоқларда “Янгиобод” МФЙда икки туп дарахт кесилгани ҳақида хабар тарқалди. Ҳолат юзасидан Андижон вилояти Экология бошқармаси томонидан ўрганиш ишлари олиб борилган. Ўрганиш давомида маҳалла идораси ёнидаги икки туп дарахт маҳалла раиси В.У. томонидан кесилганли аниқланган. Натижада ўсимлик дунёсига 57 миллион 750 минг сўм миқдоридаги зарар етказилган.
Ҳолатга ҳуқуқий баҳо бериш ва қонунбузарга нисбатан чора кўриш мақсадида тегишли ҳужжатлар туман прокуратурасига тақдим этилган.
Аввалроқ Хоразмда ўзини тадбиркор деб таништирган шахслар истироҳат боғидаги дарахтларни кесиб ташлаганди. Бухорода 22 туп қарағай ноқонуний кесилиб, табиатга 144,3 миллион сўмлик зиён етказилганди. Фарғонадаги чегара пости яқинида 12 туп манзарали дарахт қўпориб ташлангани хабар қилинганди.
Изоҳ (0)