Prezident Administratsiyasida 30-oktyabr kuni bir qator tayinlovlar amalga oshirilgandi. 1-noyabr kuni yana bir qator yangi tayinlovlar amalga oshirildi.
G‘ayratulla Yoziyev prezidentning kadrlar siyosati masalalari bo‘yicha maslahatchisining birinchi o‘rinbosari lavozimiga tayinlandi. Tayinlovga qadar Davlat xavfsizlik xizmati raisi o‘rinbosari lavozimida ishlagan.
Qahraman Sariyev prezidentning kadrlar siyosati masalalari bo‘yicha maslahatchisi o‘rinbosari lavozimiga tayinlandi. Tayinlovga qadar prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari bo‘yicha maslahatchisi birinchi o‘rinbosari lavozimida ishlagan.
Ulug‘bek Muhammadiyev prezidentning kadrlar siyosati masalalari bo‘yicha maslahatchisi o‘rinbosari — Prezident Xalq qabulxonasi rahbari lavozimiga tayinlandi. Tayinlovga qadar prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari bo‘yicha maslahatchisi o‘rinbosari lavozimida ishlagan.
Umar Ismailov Prezident Xalq qabulxonasi rahbari birinchi o‘rinbosari lavozimiga tayinlandi. Tayinlovga qadar prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari bo‘yicha maslahatchisi o‘rinbosari lavozimida ishlagan.
Izoh (0)