G’azodagi “Al-Quds” kasalxonasi rahbariyati isroillik harbiylardan shifoxonaga zarba berilishi bo‘yicha ogohlantirish oldi. Bu haqda Falastin Qizil Yarim Oy jamiyati ma’lum qildi.
Ma’lum qilinishicha, ushbu shifoxonada 400 nafar bemordan tashqari, G’azo sektorining 12 mingga yaqin aholisi bombardimondan boshpana topgan.
“Al-Quds shifoxonasi Isroil harbiylaridan zudlik bilan evakuatsiya qilish to‘g‘risida buyruq oldi, chunki ular obyektga hujum qilish niyatida”, — deyiladi tashkilot bayonotida.
Shifoxona maʼlumotlariga ko‘ra, u yerda bombardimonlardan panoh topgan 12 mingga yaqin G‘azo sektori aholisi bor. Sektordagi aloqa qisman qaytganidan so‘ng qutqaruvchilar o‘qqa tutilgan 20 ta turli joydan bir vaqtning o‘zida yordam murojaati olgan.
Izoh (0)