28-oktabr kuni “Do‘stlar” serialidagi Chendler Bing obrazi bilan tanilgan amerikalik aktyor Mettyu Perri vafot etdi. 54 yoshli aktyor Los-Anjelesda joylashgan uyidagi vannaxonadan o‘lik holda topilgan.
Politsiyaning ma’lumot berishicha, hodisa joyida qotillik alomatlari sezilmagan hamda hech qanday taqiqlangan moddalar topilmagan.
Qayd etilishicha, Perri yurak xuruji oqibatida cho‘kkan bo‘lishi mumkin.
Aktyor piklbol o‘yinidan so‘ng uyiga qaytgan va o‘z yordamchisini ish bilan ko‘chaga jo‘natgan. Mettyuning yordamchisi ikki soatlardan so‘ng uyga qaytgan hamda aktyorning hushsiz ekanligini ko‘rgan hamda darhol tez yordam chaqirgan.
Aktyor ishtirokidagi “Shoshsang — kulguga qolasan”, “Uch kishilik tango”, “Triumf: Ron Klarkning hikoyasi”, “Firibgarlar” hamda “To‘qqiz yard” kabi filmlar ham muvaffaqiyat qozongan.
Izoh (0)