Poytaxtimizda Toshkent Kimyo xalqaro universiteti qoshida Kimyo University Hospital klinikasi o‘z ishini boshladi. Klinika kattalar va bolalar uchun tibbiyotning ko‘plab yo‘nalishlari bo‘yicha diagnostika, ambulator va statsionar yordam ko‘rsatishga mo‘ljallangan.
Mazkur tibbiyot muassasasi nafaqat aholiga tibbiy xizmat ko‘rsatish, balki tegishli sohalar bo‘yicha shifokorlarning malakasini oshirish borasida ham o‘ziga xos markaz vazifasini o‘taydi. Bu yerda AQSH, Janubiy Koreya, Turkiya va Xitoydan kelgan malakali mutaxassislar ishtirokida mahalliy shifokorlar uchun tibbiyot yutuqlari va ilm-fan yangiliklari yuzasidan uzluksiz mahorat darslari, seminar-treninglar tashkil etiladi.
Marosimda ishtirok etgan klinika taʼsischisi Alisher Vahobovning aytishicha, ushbu taʼlim muassasasini tashkil etishdan maqsad - O‘zbekistonda zamonaviy klinika, tashxis markazlari, laboratoriyalar va universitetni o‘zida birlashtirgan tibbiyot klasterini gashkil etish.
“O‘tgan olti yil mobaynida universitetimizda 30 dan ortiq yo‘nalish, 25 dan ortiq mutaxassislik hamda doktarantura va aspirantura bosqichlari shakllantirildi.
Yangi ochilgan klinikamiz nazariy bilimlar bilan birgalikda amaliy ko‘nikmalarni shakllantirishga xizmat qiladi. Shu asosida O‘zbekistonda tibbiyot sohasiga hissa qo‘shishni reja qilganmiz”, — dedi Alisher Vahobov.
Universitetning davolash ishi va stomatologiya yo‘nalishi rahbari Jobir Ahmedovning taʼkidlashicha, hozirgi kunda ko‘plab taʼlim muassasalarida tibbiyot yo‘nalishlari tashkil etilmoqda, lekin ularning aksarida klinik baza yetishmaslik muammosi bor.
“Tibbiyot shunday sohaki, u yerda faqat nazariy bilimlarni olishning o‘zi yetarli emas. Albatta, olingan nazariy bilimlarni amaliyotda qo‘llash ehtiyoji bor. Aynan shu sababli manashu klinkani tashkil qildikki, talabalarimiz quyi kurslarda olgan nazariy bilimlarini yuqori kursga chiqqanda amaliyotga bemalol tadbiq etishlari, shu bilan birga, tibbiyotning eng zamonaviy yangiliklari bilan tanishib borishlariga zamin yaratadi”, — dedi Jobir Ahmedov.
Klinikada quyidagi yo‘nalishlar bo‘yicha shifokorlar faoliyat yuritadi:
- kardiologiya;
- nevrologiya;
- terapiya;
- endokrinologiya;
- gastroenterologiya;
- revmatologiya;
- urologiya;
- ginekologiya;
- dermatologiya;
- jarrohlik;
- otorinolaringologiya (LOR);
- plastik jarrohlik;
- qon tomir jarrohlik;
- oftalmologiya,
- ortopediya,
- travmatologiya,
- allergologiya,
- pulmonologiya;
- pediatriya;
- bolalar nevrologiyasi;
- reabilitatsiya;
- fizioterapiya.
Barcha shifokorlar yuqori toifaga ega va tibbiyot fanlari nomzodlari.
Klinikada Philips, Olympus, Fuji Healthcare va boshqa ko‘plab kompaniyalarning tibbiy jihozlari bilan jihozlangan.
Kimyo University Hospital klinikasining diagnostika bo‘limi quyidagilardan iborat:
- zamonaviy klinik laboratoriya;
- ultratovush;
- MRT;
- raqamli rentgen;
- funksional diagnostika xonalari.
Jarrohlik bo‘limi 5 ta ko‘p tarmoqli operatsiya xonasidan iborat bo‘lib, har qanday murakkablikdagi operatsiyalarni bajarish imkoniyati mavjud. Reanimatsiya bo‘limi shoshilinch tibbiy yordam ko‘rsatish uchun barcha zarur jihozlar bilan taʼminlangan.
Statsionar bo‘limda klinika zamonaviy asbob-uskunalar bilan jihozlangan bo‘lib, insultdan keyingi reabilitatsiya jarayonida surunkali kasalliklar, jumladan, qandli diabet, yurak va buyrak yetishmovchiligining oldini olish va davolashni yuqori saviyada to‘liq tibbiy yordam ko‘rsatishga mo‘ljallangan.
Kimyo University Hospital bolalar bo‘limi nevrologik kasalliklarga chalingan yosh bemorlarni tashxislash va davolashga ixtisoslashgan.
Klinikada tibbiyot fakulteti talabalari va professor-o‘qituvchilari uchun klinik baza vazifasini o‘tab, tibbiyot sohasini malakali kadrlar bilan taʼminlash, sifatli tibbiy xizmatga bo‘lgan talabni qondirishga xizmat qiladi.
Reklama huquqi asosida.
Izoh (0)