O‘zbekiston Respublikasi prezidenti Shavkat Mirziyoyevning Xitoy davlatiga amaliy tashrifi davomida 17-oktyabr kuni “Bir makon, bir yo‘l” xalqaro forumi doirasida OKMK va Xitoyning Amer International kompaniyasi bilan kelishuv imzolandi.
Kelishuvga ko‘ra, OKMK va Amer International kompaniyasi hamkorligida mis sanoati klasterini rivojlantirish va yuqori qo‘shimcha qiymatga ega yangi turdagi mahsulotlarni ishlab chiqarish yo‘lga qo‘yiladi.
Maʼlumot uchun, Amer International kompaniyasi Xitoyning top-5 eng yirik xususiy kompaniyalari ro‘yxatiga kiradi. Ushbu kompaniya yiliga 250 mingdan ziyod mis katankasi, kabellar, har xil turdagi rangli va qimmatbaho metallar, shuningdek yarimo‘tkazgichlar va kompozit materiallar ishlab chiqaradi. Kompaniyaning yillik sof daromadi 2 mlrd dollarni tashkil etib, unda 20 mingdan ortiq xodimlar mehnat qilishadi.
Reklama huquqi asosida.
Izoh (0)