Пойтахтимизда Тошкент Кimyo халқарo университети қошида Кimyo University Hospital клиникаси ўз ишини бошлади. Клиника катталар ва болалар учун тиббиётнинг кўплаб йўналишлари бўйича диагностика, амбулатор ва стационар ёрдам кўрсатишга мўлжалланган.
Мазкур тиббиёт муассасаси нафақат аҳолига тиббий хизмат кўрсатиш, балки тегишли соҳалар бўйича шифокорларнинг малакасини ошириш борасида ҳам ўзига хос марказ вазифасини ўтайди. Бу ерда АҚШ, Жанубий Корея, Туркия ва Хитойдан келган малакали мутахассислар иштирокида маҳаллий шифокорлар учун тиббиёт ютуқлари ва илм-фан янгиликлари юзасидан узлуксиз маҳорат дарслари, семинар-тренинглар ташкил этилади.
Маросимда иштирок этган клиника таъсисчиси Алишер Ваҳобовнинг айтишича, ушбу таълим муассасасини ташкил этишдан мақсад - Ўзбекистонда замонавий клиника, ташхис марказлари, лабораториялар ва университетни ўзида бирлаштирган тиббиёт кластерини гашкил этиш.
“Ўтган олти йил мобайнида университетимизда 30 дан ортиқ йўналиш, 25 дан ортиқ мутахассислик ҳамда доктарантура ва аспирантура босқичлари шакллантирилди.
Янги очилган клиникамиз назарий билимлар билан биргаликда амалий кўникмаларни шакллантиришга хизмат қилади. Шу асосида Ўзбекистонда тиббиёт соҳасига ҳисса қўшишни режа қилганмиз”, — деди Алишер Ваҳобов.
Университетнинг даволаш иши ва стоматология йўналиши раҳбари Жобир Аҳмедовнинг таъкидлашича, ҳозирги кунда кўплаб таълим муассасаларида тиббиёт йўналишлари ташкил этилмоқда, лекин уларнинг аксарида клиник база етишмаслик муаммоси бор.
“Тиббиёт шундай соҳаки, у ерда фақат назарий билимларни олишнинг ўзи етарли эмас. Албатта, олинган назарий билимларни амалиётда қўллаш эҳтиёжи бор. Айнан шу сабабли манашу клинкани ташкил қилдикки, талабаларимиз қуйи курсларда олган назарий билимларини юқори курсга чиққанда амалиётга бемалол тадбиқ этишлари, шу билан бирга, тиббиётнинг энг замонавий янгиликлари билан танишиб боришларига замин яратади”, — деди Жобир Аҳмедов.
Клиникада қуйидаги йўналишлар бўйича шифокорлар фаолият юритади:
- кардиология;
- неврология;
- терапия;
- эндокринология;
- гастроэнтерология;
- ревматология;
- урология;
- гинекология;
- дерматология;
- жарроҳлик;
- оториноларингология (ЛОР);
- пластик жарроҳлик;
- қон томир жарроҳлик;
- офталмология,
- ортопедия,
- травматология,
- аллергология,
- пулмонология;
- педиатрия;
- болалар неврологияси;
- реабилитация;
- физиотерапия.
Барча шифокорлар юқори тоифага эга ва тиббиёт фанлари номзодлари.
Клиникада Philips, Olympus, Fuji Healthcare ва бошқа кўплаб компанияларнинг тиббий жиҳозлари билан жиҳозланган.
Кimyo University Hospital клиникасининг диагностика бўлими қуйидагилардан иборат:
- замонавий клиник лаборатория;
- ултратовуш;
- МРТ;
- рақамли рентген;
- функционал диагностика хоналари.
Жарроҳлик бўлими 5 та кўп тармоқли операция хонасидан иборат бўлиб, ҳар қандай мураккабликдаги операцияларни бажариш имконияти мавжуд. Реанимация бўлими шошилинч тиббий ёрдам кўрсатиш учун барча зарур жиҳозлар билан таъминланган.
Стационар бўлимда клиника замонавий асбоб-ускуналар билан жиҳозланган бўлиб, инсультдан кейинги реабилитация жараёнида сурункали касалликлар, жумладан, қандли диабет, юрак ва буйрак етишмовчилигининг олдини олиш ва даволашни юқори савияда тўлиқ тиббий ёрдам кўрсатишга мўлжалланган.
КUniversity Hospital болалар бўлими неврологик касалликларга чалинган ёш беморларни ташхислаш ва даволашга ихтисослашган.
Клиникада тиббиёт факультети талабалари ва профессор-ўқитувчилари учун клиник база вазифасини ўтаб, тиббиёт соҳасини малакали кадрлар билан таъминлаш, сифатли тиббий хизматга бўлган талабни қондиришга хизмат қилади.
Реклама ҳуқуқи асосида.
Изоҳ (0)