Germaniyaning dunyoga mashhur “Sharite” universiteti klinikasi bilan qator kelishuvlarga erishildi, deb xabar bermoqda SSV axborot xizmati.
Unda aytilishicha, sog‘liqni saqlash vaziri Amrillo Inoyatov boshchiligidagi O‘zbekiston delegatsiyasi Germaniyaga xizmat safari doirasida dunyoga mashhur “Sharite” universiteti klinikasi direktori doktor Yoaxim Zeybold hamda bosh shifokori Martin Krays bilan uchrashdi.
Muzokaralar yakunida 2024-yil mart oyidan boshlab “Sharite”da onkogematologiya, xirurgiya, neyroxirurgiya, pediatriya kabi qator sohalarda tibbiyot mutaxassislarini tayyorlash, ularning malakasini oshirish, innovatsion diagnostika va davolash usullarini joriy qilish bo‘yicha o‘zaro tajriba almashish kabi qator masalalar yuzasidan kelishuvlarga erishildi.
Natijada kadrlar tayyorlash, birgalikda ilmiy ishlarni amalga oshirish bo‘yicha doimiy hamkorlik aloqalari yo‘lga qo‘yildi.
Izoh (0)