O‘zbekiston har yili Rossiyadan 2,8 milliard kub metr gaz sotib oladigan bo‘lyapti

O‘zbekiston har yili Rossiyadan 2,8 milliard kub metr gaz sotib oladigan bo‘lyapti. Bu haqida prezident matbuot kotibi Sherzod Asadov ma’lum qildi.

"Rossiyadan Qozog‘iston orqali tijoriy shartnoma asosida O‘zbekistonga yiliga 2,8 mlrd metr kub gaz yetkazilishi rejalashtirilgan.

Shartnomaning kuchga kirishi va Rossiyadan O‘zbekistonga gaz yetkazib berilishi nafaqat respublikamiz, balki Markaziy Osiyoda energetik barqarorlikni ta’minlashda juda katta o‘rin egallaydi”, — dedi Sherzod Asadov.

7-oktyabr kuni Rossiyadan O‘zbekistonga gazni import qilishga start beriladi. Bu tadbirda Shavkat Mirziyoyev, Qosim-Jo‘mart To‘qayev va Vladimir Putinning ishtirok etishi ko‘zda tutilgan.