Aliyev Yevropa kengashi raisi bilan Boku—Yerevan munosabatlarini normallashtirish haqida gaplashdi

Yevropa kengashi raisi Sharl Mishel Ozarbayjon prezidenti Ilhom Aliyev bilan telefon orqali muloqot qilganini aytdi.

Mishelning Twitter’da (X) yozgan postiga ko‘ra, suhbat chog‘ida u “Yevropa Ittifoqi Armaniston va Ozarbayjon o‘rtasidagi munosabatlarning normallashuvi jarayoniga sodiq ekanini bildirgan”.

“Bryusseldagi uch tomonlama uchrashuvga tayyorgarlik ko‘rish chog‘ida men prezident Aliyev bilan telefon orqali muloqot qildim. Biz (Ozarbayjon va Armanistonning) hududiy yaxlitlik va suverenitetini o‘zaro hurmat qilish, shuningdek, chegarani delimitatsiya qilish bo‘yicha taraqqiyot zarurligini tasdiqladik”, — deb ta’kidladi Mishel.

Tomonlar Ozarbayjonning Qorabog‘ viloyatidagi vaziyatni ham muhokama qilgan.

Oktyabr oyi oxirida Bryusselda Aliyev, Mishel va Armaniston bosh vaziri ishtirokida uch tomonlama uchrashuv rejalashtirilgan.