Ozoda Nursaidova 14-avgust kuni 70 yoshida vafot etgan onasi Gulira’no Nursaidovaning o‘limiga u davolanayotgan shifoxonadagi sharoitsizlik ham sabab bo‘lgani haqida gapirdi.
“Agar millioner bo‘lganimda, kasalxona va maktablar qurib, savob qilgan bo‘lardim. Dardimni yangilamoqchi emasdim, lekin vijdonim qiynalyapti. Nurafshon shahridagi butun boshli kasalxonada kislorod balloni yo‘q ekan, Toshkentdan olib keltirdik. Ulgurolmadik. Shu kislorod bo‘lganida, onam tirik qolgan bo‘lardi. Xayriya qilayotgan boylar, iltimos sizlardan, qo‘lingizdan kelsa, xalqimizga ko‘proq kerak bo‘lgan kasalxona va maktablarga yordam beringlar”, — deb yozdi xonanda Instagram’dagi sahifasida.
Shuningdek, Ozoda Nursaidova puli ko‘payib ketsa, bitta kasalxona qurish niyati borligini ham aytib o‘tgan.
Eslatib o‘tamiz, xonandaning onasi uzoq yillar avtobazada dispetcher bo‘lib ishlagan. Otasi esa ichki ishlar xodimi bo‘lib, nafaqaga chiqqan. Xonandaning padari buzrukvori shu yilning yanvar oyida vafot etgandi.
Izoh (0)