Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Xonanda Lola ayni paytda Gruziyaning Tbilisi shahrida bo‘lib turibdi. U kuzatuvchilariga o‘zi duch kelgan ko‘ngilsiz holat haqida so‘zlab berdi va bu shaharga kelganda aslo rus tilida gapirmaslikni maslahat berdi. Xonandaning aytishicha, kiyim do‘konlaridan birining sotuvchisi uning ruscha gapirganini eshitib qolgan va unga buning evaziga qo‘pol muomala qilgan.

Zohirshoh Jo‘rayev otasining 2021-yilda Istanbul shahrida tushgan suratini sahifasiga joyladi. O‘shanda marhum san’atkor og‘ir operatsiyani boshdan kechirgan edi. 

O‘zbekistonlik yosh xonandalari ustozlar kuni munosabati bilan to‘planib, yoshi katta san’atkorlarga sovg‘alar ulashishdi.

Rixsitilla Abdullayev rossiyalik taniqli aktrisa Natalya Varley bilan tushgan suratini sahifasiga joyladi. 

Rossiyalik taniqli xonanda Dima Bilan Samarqand shahriga sayyoh sifatida keldi

Maryam Tillayeva kuzatuvchilari e’tiboriga Xellouin bayramiga tayyorlayotgan obrazini namoyish etdi. 

Nargiza Salmonova 1-oktyabr kuni 34 yoshni qarshi oldi. Uning turmush o‘rtog‘i sahifasi orqali tug‘ilgan kuni bilan tabriklab, aktrisaning bolalikdagi rasmi tushirilgan tort sovg‘a qildi. 

3-oktyabr kuni Munisa Rizayevaning onasi Dilorom Bo‘rixo‘jayeva tug‘ilgan kunini nishonlamoqda. Xonanda turmush o‘rtog‘i Arseniy bilan onasini birinchilardan bo‘lib tabrikladi.

Xonanda Manzura Istanbul shahriga sayohatga jo‘nab ketdi.

3-oktabr kuni o‘zbek kinosining “Kichkina tabib”i — Dilshodbek Kattabekov uylandi. To‘yda ko‘plab shou-biznes vakillari mehmon bo‘ldi.