Озода Нурсаидова 14 август куни 70 ёшида вафот этган онаси Гулираъно Нурсаидованинг ўлимига у даволанаётган шифохонадаги шароитсизлик ҳам сабаб бўлгани ҳақида гапирди.
“Агар миллионер бўлганимда, касалхона ва мактаблар қуриб, савоб қилган бўлардим. Дардимни янгиламоқчи эмасдим, лекин виждоним қийналяпти. Нурафшон шаҳридаги бутун бошли касалхонада кислород баллони йўқ экан, Тошкентдан олиб келтирдик. Улгуролмадик. Шу кислород бўлганида, онам тирик қолган бўларди. Хайрия қилаётган бойлар, илтимос сизлардан, қўлингиздан келса, халқимизга кўпроқ керак бўлган касалхона ва мактабларга ёрдам беринглар”, — деб ёзди хонанда Instagram’даги саҳифасида.
Шунингдек, Озода Нурсаидова пули кўпайиб кетса, битта касалхона қуриш нияти борлигини ҳам айтиб ўтган.
Эслатиб ўтамиз, хонанданинг онаси узоқ йиллар автобазада диспетчер бўлиб ишлаган. Отаси эса ички ишлар ходими бўлиб, нафақага чиққан. Хонанданинг падари бузруквори шу йилнинг январь ойида вафот этганди.
Изоҳ (0)