Britaniya hukumati xorijdagi qamoqxonalarni ijaraga olishga qaror qildi

Buyuk Britaniya hukumati Britaniya qamoqxonalarida joy tanqisligi sababli xorijdagi qamoqxonalarni ijaraga olish masalasini ko‘rib chiqmoqchi.

Bu haqda adliya vaziri Aleks Chok Konservatorlar partiyasining yillik qurultoyida ma’lum qildi.

Avvalroq qamoqxonalar nazoratchilari uyushmasi rahbari Andrea Albutt Britaniya qamoqxonalaridagi bo‘sh joylar soni keskin kamaygani va yaqin haftalarda tugashi mumkinligini aytgan edi.

“Biz mavjud qamoqxonalarni kengaytirmoqdamiz va ta’mirlayapmiz. Buning uchun minglab xodimlarni yollash rejalashtirilgan. Bugun shuni aytishim mumkinki, biz Norvegiya misolini ham ko'rib chiqish va chet eldagi qamoqxonalarni ijaraga olish imkoniyatlarini o'rganish niyatidamiz”, — dedi u.

“Buyuk Britaniya qamoqxonalarni kengaytirishning Viktoriyan davridan beri eng katta dasturini amalga oshirmoqda”, — deya qo‘shimcha qildi vazir.