Буюк Британия ҳукумати Британия қамоқхоналарида жой танқислиги сабабли хориждаги қамоқхоналарни ижарага олиш масаласини кўриб чиқмоқчи.
Бу ҳақда адлия вазири Алекс Чок Консерваторлар партиясининг йиллик қурултойида маълум қилди.
Аввалроқ қамоқхоналар назоратчилари уюшмаси раҳбари Андреа Албутт Британия қамоқхоналаридаги бўш жойлар сони кескин камайгани ва яқин ҳафталарда тугаши мумкинлигини айтган эди.
“Биз мавжуд қамоқхоналарни кенгайтирмоқдамиз ва таъмирлаяпмиз. Бунинг учун минглаб ходимларни ёллаш режалаштирилган. Бугун шуни айтишим мумкинки, биз Норвегия мисолини ҳам кўриб чиқиш ва чет элдаги қамоқхоналарни ижарага олиш имкониятларини ўрганиш ниятидамиз”, — деди у.
“Буюк Британия қамоқхоналарни кенгайтиришнинг Викториян давридан бери энг катта дастурини амалга оширмоқда”, — дея қўшимча қилди вазир.