Toshkentning ayrim hududlarida 29-sentyabr kuni elektr energiyasi ta’minoti vaqtincha to‘xtatiladi. Bu haqda “Hududiy elektr tarmoqlari” matbuot xizmati xabar berdi.
Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish, kuz-qish mavsumiga puxta tayyorgarlik ko‘rish maqsadida quyidagi manzillarda elektr taʼminoti vaqtincha o‘chiriladi:
- Uchtepa tumani — “Bog‘ichinor” MFYning ayrim ko‘chalarida soat 09:00 dan 17:00 gacha;
- Bektemir tumani — “Gulbog‘” MFYning ayrim ko‘chalarida soat 09:00 dan 17:00 gacha.
Ta’kidlanishicha, ta’mirlash ishlari belgilangan vaqtdan avvalroq yakunlanishi mumkin.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Shuningdek, kuz-qish mavsumiga tayyorgarlik ishlari doirasida bugun, 29-sentabr kuni Mirzo Ulug‘bek va Yangihayot tumanlari ayrim hududlarida soat 10:00 dan 18:00 ga gaz ta’minoti to‘xtatiladi:
Yangihayot tumani — “Choshtepa”, “Xushnud”, “Erkin hayot” va “Olchazor” MFYlari:
- aholi isteʼmolchilari soni — 2920 ta;
- ulgurji isteʼmolchilar soni — 25 ta.
Mirzo Ulug‘bek tumani — A.Yugnakiy, Humoyun, TTZ-1, TTZ-2, TTZ-4 mavzelari, Beshqala, Sultoniya, Munavvar qori, Gulrayxon, Geofizika va Temuriylar MFYlari:
- yerli xonadon soni — 13 341 ta;
- ulgurji iste’molchilar soni — 7 ta (3 ta avtomobillarga gaz to‘ldirish kompressor shoxobchalari).
Avvalroq Bektemir va Uchtepa tumanlarida tabiiy gaz yetkazib berish, shuningdek, Sergeli va Bektemir tumanlarida elektr energiyasi ta’minoti vaqtincha to‘xtatilishi to‘g‘risida xabar berilgandi.
Izoh (0)